Vinnuferð í Langadal

Lýsing

Nú hefjast framkvæmdir við endurbyggingu Skagfjörðsskála í Langadal í Þórsmörk, skála sem margir félagsmenn og landsmenn eiga sterkar minningar frá og þykir vænt um.

Helgina 12.–13. september verður farin fyrsta af þremur fyrirhuguðum vinnuferðum og óskar Ferðafélag Íslands eftir 20 duglegum og handlögnum sjálfboðaliðum.

Með þessari vinnuferð hefst nýr kafli í sögu Skagfjörðsskála og gefst þátttakendum kostur á að leggja hönd á plóg við undirbúning endurbyggingar skálans.

Í þessari fyrstu ferð verða meðal annars unnin eftirfarandi verkefni:

• pallurinn við skálann rifinn
• skálinn tæmdur af innanstokksmunum og munum komið fyrir í gámi

Þetta verður hörku vinnuhelgi og hvetjum við þátttakendur sem eiga hentug verkfæri til að taka þau með sér.

Þar geta meðal annars komið að góðum notum borvél, bitasett, hamar, kúbein, tangir, topplyklasett og naglbítar.
Góðir vinnuhanskar eru einnig nauðsynlegir.

Brottför/Mæting

Kl. 8 með rútu frá Menntaskólanum við Sund

Innifalið

Rúta, gisting, kvöldverður á laugardegi, morgunverður og hádegisverður á sunnudegi.