Hlöðuvellir

Smellið á bláa hnappinn hér uppi til hægri til að bóka skálagistingu.

AÐSTAÐA

Sæluhúsið á Hlöðuvöllum undir Hlöðufelli hýsir 15 manns í kojum.

Gengið er inn í stórt anddyri þar sem gott pláss er til að hengja upp föt. Þaðan er gengið inn í opið rými sem skiptist í eldhús og sal með tvíbreiðum kojum, langborði og bekkjum.

Ekkert rennandi vatn er á svæðinu og því ekkert vatnssalerni en kamar stendur við húsið.

Skáli var fyrst settur niður á Hlöðuvöllum árið 1970.

OPNUN OG AÐGENGI

Að sumri til er hægt að aka á jeppum að skálunum.

Opnun skálans yfir sumartímann helst í hendur við snjóalög og ástand vegarins. 

Skálinn er læstur yfir vetrartímann en hægt er að leigja hann og nálgast lykla með því að senda fyrirspurn á skrifstofu FÍ. Athugið að það er aðeins á færi reynslumikils ferðafólks að ferðast um þessar slóðir að vetri til og ef ætlunin er að ganga þá þarf til þess 5 árstíða útbúnað.

NÆSTA NÁGRENNI

Nokkur fjöll eru í nágrenni við skálann, til dæmis Hlöðufell, Skjaldbreiður og Högnhöfði. Frá skálanum er einnig hægt að ganga yfir Rótarsand að Brúarárskörðum.