Ferð: Undirhlíðar og Stóri Skógarhvammur

Undirhlíðar og Stóri Skógarhvammur

FÍ Örgöngur

Lýsing

Gangan hefst við gömlu námuna í Undirhlíðum við Bláfjallaveginn.

Gengið er suðvestur eftir Undirhlíðarhálsi þar til komið er að fallega
mótaðri móbergsskál sem heitir Moskarðshnúkur og rétt sunnar eru
Háihnúkur. Móbergsskálin stendur uppúr Undirhlíðahryggnum og er
allsérstæð. Áfram er haldið að Melrakkaskarði þar sem farið er niður á
jafnsléttu. Leiðin liggur milli hrauns og hlíðar að Stóra-Skógarhvammi.

Þar var stunduð skógrækt af kappi frá 1959 til 1964 þegar drengir sem
dvöldu í Krýsuvík gróðursettu nokkur hundruð þúsund tré.
Þarna voru minjar um gróskumikið skógarkjarr sem var að mestu
nauðbitið og eytt þegar landið var girt árið 1959. Þetta er merkilegur
skógarreitur utan alfaraleiðar.

Á bakaleiðinni er komið við lágri hæð sem heitir Stakur og síðan gengið
upp á Bungu þar sem gangan hófst.

Göngutími: 3–4 klst.

Verið öll velkomin, þátttaka ókeypis.

Brottför/Mæting

kl. 10:30 við gömlu námuna í Undirhlíðum við Bláfjallaveg

Fararstjórn

Jónatan Garðarsson

Innifalið

Fararstjórn

Búnaður

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring. Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.