Fjölskylduganga á Æsustaðafell 28 apríl nk. kl. 17.30

Fjölskylduganga verður á Æsustaðafell 28 apríl nk kl. 17.30

Ferðafélag Íslands og Mosfellsbær - heilsueflandi samfélag, standa fyrir gönguferðum næstu þriðjudaga, þegar farið er í léttar fjallgöngur á fellin í Mosfellsbæ.

Þann 28 apríl nk. verður gengið á Æsustaðafell kl 17.30. 

Staðsetning: Þegar ekið er upp Mosfellsdal má beygja út af inn á veg sem er merktur Hlaðgerðarkot. Fljótlega skal beygja aftur til hægri upp að smáhýsabyggðinni í Skammadal þar sem Reykvíkingar voru vanir að rækta kartöflur fyrr á tíð. Þar finnur ferðalangur fljótlega lítið bilastæði og þaðan liggur merkt og greinilega leið aflíðandi upp á Æsustaðafjall.

Þátttaka er ókeypis - verið öll velkomin - mætið vel búin í góðum gönguskóm og útivistarfatnaði. 

Fjölskyldugöngur á fellin í Mosfellsbæ

Hér er yfirlit yfir næstu ferðir. 

• 28. apríl kl. 17:30 Æsustaðafjall
• 5. maí kl. 17:30 Grímannsfell
• 12. maí kl. 17:30 Mosfell
• 19. maí kl. 17:30 Helgafell