Sveppasöfnun í Heiðmörk
- Lýsing
Sveppir eru sælgæti en það er betra að þekkja þá góðu frá þeim vondu og eitruðu!
Gísli Már Gíslason, prófessor emeritus og Ólafur Patrick Ólafsson háskólakennari í HÍ kenna okkur fjölmargt um matsveppi ásamt fleiri sveppasérfræðingum frá HÍ. Í þessari fjörugu sveppaferð verða einnig kenndar aðferðir við að geyma sveppina og matreiða þá.
Öll hvött til að taka með sér sveppabækur og ílát. Ekið í halarófu frá bílastæðinu við Rauðhóla lengra inn í Heiðmörkina. 2 klst.Hluti af „Með fróðleik í fararnesti,“ verkefni Ferðafélags Íslands og Háskóla Íslands sem hlaut vísindaverðlaun Rannís 2023
- Brottför/Mæting
- Kl. 17 á einkabílum frá bílastæði við Rauðhóla.
Búnaður
Pakkað fyrir dagsferð
Dagsferðir eru mismunandi og geta tekið frá örfáum klukkustundum upp í hálfan sólarhring. Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.
Göngufatnaður
- Góðir gönguskór og mjúkir göngusokkar
- Nærföt, ull eða flís, eftir veðri
- Peysa úr ull eða flís
- Göngubuxur / stuttbuxur
Í dagpokanum
- Bakpokahlíf / plastpoki inni í bakpokanum
- Áttaviti, landakort og GPS tæki
- Smurt nesti fyrir daginn
- Göngunasl svo sem þurrkaðir ávextir, súkkulaði og hnetur
- Vatnsbrúsi
- Hitabrúsi með kakói, tei eða kaffi
- Göngustafir
- Myndavél og kíkir
- Sólgleraugu / skíðagleraugu
- Sólarvörn og varasalvi
- Hælsærisplástur, plástur, teygjubindi og verkjalyf
- Salernispappír, blautþurrkur og litlir plastpokar fyrir notaðan pappír
- Húfa, vettlingar og buff um hálsinn
- Vind- og vatnsþéttur hlífðarfatnaður
- Legghlífar, vaðskór og broddar, ef þurfa þykir
Fróðleikur
Nánari fróðleikur um sveppi:
- Greining á ætum sveppum (pdf)
- Matreiðsla sveppa (pdf)
Með fróðleik í fararnesti
- 22. janúar: Stjörnu- og norðurljósaskoðun
- 13. apríl: Fuglaskoðun
- 21. apríl: Fjöruferð í Reykjavík
- 12. júní: Pöddulíf í Elliðaárdal
- 22. ágúst: Sveppasöfnun í Heiðmörk
- 28. september: Hraun og haustlitir í Búrfellsgjá
Verið öll velkomin, þátttaka ókeypis!
Nánari upplýsingar síðar á Fésbók og heimasíðu FÍ og HÍ.
