Fréttir

Rötun er ekkert mál fyrir krakkana í Ferðafélagi barnanna eins og í ljós kom síðasta laugardag þegar þeir vísuðu veginn frá Dyradal á Hengilssvæðinu og alla leið niður á Nesjavelli með kort og þrælerfiðar gátu-leiðbeiningar að vopni.

Hraustir krakkar frá Ferðafélagi barnanna könnuðu Búrfellsgjá á alla kanta í liðinni viku, bæði ofan- og neðanjarðar, sem og hangandi í línu. Allir sneru þó heilir heim!

Laugardagur 11. ágúst - sunnudagur 12. ágúst Fimmvörðuháls - Magni og Móði. Ekið að morgni laugardags kl. 8. frá Mörkinni 6 að Skógum undir Eyjafjöllum og gengið upp á Fimmvörðuháls eftir hinni hefðbundu gönguleið með viðkomu í Baldvinsskála. Gengið er að Móða og Magna og ummerki eldgossins á Fimmvörðuhálsi 2010 skoðuð. Þaðan gengið niður í  Strákagil þar sem rúta bíður og flytur göngumenn í Langadal. Gist í Skagfjörðsskála. Farið í morgungöngu á sunnudegi og haldið til Reykjavíkur um hádegi. Sameiginleg grillveisla um kvöldið, varðeldur og kvöldvaka. Verð: 23.000 / 26.000 Innifalið: Gisting, rúta, fararstjórn og grillveisla.

Fossaganga - náttúruperlur í Þjórsárdal 4. - 6. ágúst Fararstjórar: Sigþrúður Jónsdóttir og Björg Eva Erlendsdóttir. Hámarksfjöldi: 30 Gengið með Þjórsá að vestanverðu. Stórfossar Þjórsár og fossar í flverám hennar skoðaðir. Náttúruperlur í Þjórsárdal og við Þjórsá í óbyggðum Gnúpverjaafréttar, sem eru fáum kunnar, skoðaðar. 1. dagur: Lagt af stað frá Mörkinni 6 kl. 8 á laugardegi og í Þjórsárdal. Gengið á Stangarfell í Þjórsárdal og inn Fossárdal að Háafossi, komið að honum í stórkostlegu gljúfri þar sem hinn 122 m hái foss fellur fram af brúninni. Gengið upp á brún fossins. Þar bíður rúta göngumanna og flytur í veglegt hús í Hólaskógi þar sem borinn er fram heitur kvöldverður og gist. 2. dagur: Ekið inn á Gnúpverjaafrétt, sem liggur með Þjórsá að vestan allt til Hofsjökuls, í Bjarnarlækjarbotna. Þaðan gengið með Bjarnarlæk að Þjórsá þar sem Kjálkaversfoss blasir við. Farið um Loðnaver að Dalsá og gengið upp með henni þar sem hún felllur í mörgum fossum. Gist í skála í Gljúfurleit þar sem boðið verður upp á heitan mat. 3. dagur: Ekið að Kóngsás og gengið að fossinum Dynk. Síðan farið um tilkomumikið land meðfram Þjórsá um Niðurgöngugil, Ófærutanga og síðan að Gljúfurleitarfossi og á Geldingatanga. Ævagamall og sérstæður kofi á Tranti heimsóttur. Dagurinn endar á göngu upp með bergvatnsánni Geldingaá sem fellur í mörgum stöllum í Þjórsá. Ekið þaðan til Reykjavíkur, áætluð koma kl. 20. Verð: 27.000 / 30.000 Innifalið: Rúta, gisting, fararstjórn og kvöldmáltíðir.  

Ferðafélag Íslands hefur sett upp varanlegan ratleik í Heiðmörk fyrir börn, unglinga og fullorðna. Hægt er að hefja ratleikinn hvenær sem er og þátttakendur geta verið einn eða fleiri.

Árbók Ferðafélags Íslands 2012 um Skagafjörð vestan vatna kom út í byrjun sumars.  Árbókinni hefur verið vel ttekið og þegar hafa hátt í 5000 félagsmenn greitt árgjaldið og fengið bókina senda heim. Félagsmenn á ferð og flugi í ferðum og sumarleyfi er minntir á að greiða árgjaldið og fá þá bókina senda heim.

FÍ býður upp á gönguferð yfir Fimmvörðuháls um næstu helgi, 28. - 29. júlí.  Ekið að morgni laugardags kl. 8. frá Mörkinni 6 að Skógum undir Eyjafjöllum og gengið upp á Fimmvörðuháls eftir hinni hefðbundu gönguleið með viðkomu í Baldvinsskála. Gengið er að Móða og Magna og ummerki eldgossins á Fimmvörðuhálsi 2010 skoðuð. Þaðan gengið niður í  Strákagil þar sem rúta bíður og flytur göngumenn í Langadal. Gist í Skagfjörðsskála. Farið í morgungöngu á sunnudegi og haldið til Reykjavíkur um hádegi. Sameiginleg grillveisla um kvöldið, varðeldur og kvöldvaka. Verð: 23.000 / 26.000 Innifalið: Gisting, rúta, fararstjórn og grillveisla.  

Blíðviðri hið besta fylgdi 150 manna hópi barna og fullorðinna sem gekk um Heiðmörkina í grasaleit með Ferðafélagi barnanna fyrir skemmstu.

Farið var í þungbúnu veðri og fljótlega var hópurinn horfinn upp í þokuna. Hvað síðar gerðist í snarbröttum og landsfrægum skriðum Hafnarfjalls er ekki vitað.

Ferðafélag barnanna greip tækifærið á Jónsmessunni og heilsaði upp á álfa og huldfólk á Vífilsfelli. Veðurguðirnir léku við allar náttúruverur á kreiki; börn og álfa og jafnvel foreldrana líka!