Fréttir

Námskeið á GPS staðsetningartæki og í rötun 13. - 17. nóvember.   Á námskeiðinu er kennd notkun á staðsetningartækjum. Þátttakendur æfa sig í að finna punkta, setja inn í tækin og merkja út á korti. Námskeiðið er tvö kvöld innandyra og ein útiæfin og hentar bæði fyrir byrjendur og þá sem vilja upprifjun í notkun á staðsetningartækjum. Námsgöng: Þátttakendur þurfa að hafa með sér eigin GPS tæki, áttavita og skriffæri. Tími: 13. nóvember þriðjudagur 19:30 - 22:30 15. nóvember fimmtudagur 19:30 - 22:30 17. nóvember laugardagur Útiæfing sem tekur um 2 tíma Alls 8 klukkustundir / 12 kennslustundir. Leiðbeinandi: Sigurður Jónsson björgunarsveitarmaður og leiðbeinandi í rötun og ferðamennsku. Námskeiðsgjald: 21.900 kr.Námskeið Endurmenntunarskólans eru styrkhæf hjá flestum fræðslusjóðum stéttarfélaga. Félagar í Útivist, Ferðafélagi Íslands og Skotveiðifélagi Íslands (SKOTVÍS) fá 10% afslátt af námskeiðsgjaldi. Staðsetning: stofa 206 á 2. hæð Tækniskólans við Háteigsveg (áður Sjómannaskólinn).  

Sportís hefur opnað nýja verslun í Mörkinni 6 í sama húsnæði og Ferðafélag Íslands Í tilefni af því ætla þeir að bjóða félögum FÍ góða gönguskó á frábæru verði kr. 17.990 í stað kr.  23.990. Þessir skór hafa allt það sem góðir gönguskór þurfa að hafa! Eru meðal annars vatnheldnir með góðan vibram sólar og öndun. Þeir bjóða alla félagsmenn FÍ velkomna og taka vel á móti ykkur. Framvísa þarf félagsskírteini        

Tíunda ganga verkefnisins Eitt fjall á mánuði 2012 á vegum Ferðafélags Íslands verður farin laugardaginn 27. október.

Nafnfræðifélagið heldur fræðslufund laugardaginn 27. október, kl. 13.15 í stofu 106 í Odda, Háskóla Íslands. Haukur Jóhannesson jarðfræðingur flytur erindi sitt sem hann nefnir „Dumbur hefir konungur heitið“ Örnefnagjöf á landgrunni Íslands Örnefni voru staðsetningartækni fyrir tíma staðsetningartækja. Það átti við jafnt á landi sem legi. Í fyrirlestrinum verður farið nokkuð yfir eðli örnefna á sjó og hvernig þau voru notuð. Staðsetningartækni nútímans eru ógegnsæjar tölur sem ekki henta þegar lýsa þarf landsvæðum og eiginleikum þeirra. Því eru örnefni enn í dag bráðnauðsynlegt tól. Þegar íslensk stjórnvöld hófu undirbúning að kröfugerð vegna svæða í úthafinu í grennd við landið kom í ljós að gefa þurfti fjölda nýrra örnefna til að getað lýst svæðunum á mannamáli. Þessi svæði eru utan hefðbundinna veiðislóða og engin örnefni til fyrir. Þetta er engin nýlunda því aðrar þjóðir hafa farið þessa sömu leið, s.s. Norðmenn og Írar. Í okkar tilfelli var sótt í sjóð fornbókmenntanna sem einnig er sú leið sem flestar aðrar þjóðir fara og er þar af nógu að taka. Frændur vorir Færeyingar voru á sama tíma að gefa nöfn og þeirra stefna var sú sama og okkar. Gefin hafa verið örnefni á þremur svæðum: Drekasvæðinu milli Íslands og Jan Mayen, Ægisdjúpi austur af landinu og á Rockall-Hatton svæðinu.   Félagar eru hvattir til að koma og kynnast einkar áhugaverðu efni.

Fallegt fólk í fallegu veðri á fallegu fjalli þegar farið var á Verstusúluna, nei Vestursúluna.

Hvorki meira né minna en 80 hjálmklæddir hausar hurfu ofan í jörðina í Gjábakkahrauni á Þingvöllum í lok september.

Ferðafélag Íslands hefur að undanförnu unnið að því að stika gönguleiðir á fjöll í nágrenni Reykjavíkur. Alls hafa verið stikaðar gönguleiðir á 10 fjöll í næsta nágrenni Reykjavíkur og verkefnið unnið í samstarfi við sveitarfélög og styrkt af Pokasjóði.

Fyrsta myndakvöld að loknu sumri verður miðvikudaginn 17. október kl. 20 í sal FÍ Mörkinni 6.  Þá verða sýndar myndir úr nokkrum ferðum sumarsins, m.a. af Fjallabaki, Lónsöræfum og Hornströndum. Umsjón Páll Ásgeir Ásgeirsson. Aðgangseyrir kr. 500, innifalið kaffi og kleinur.

FÍ og HÍ Með fróðleik í fararnesti - Söguslóðir ljósmæðra í 250 ár Helga Gottfreðsdóttir, dósent við Hjúkrunarfræðideild Háskóla Íslands, leiðir gönguferð um slóðir 250 ára sögu ljósmæðra. Gengið verður frá Skólavörðustíg 11 og komið við á þremur til fjórum áfangastöðum í miðbæ Reykjavíkur sem tengjast sögu ljósmæðra. Lagt verður af stað frá Skólavörðustíg 11, kl. 11. Háskóli Íslands og Ferðafélag Íslands halda áfram samstarfi sínu um gönguferðir sem efnt var til í tilefni aldarafmælis skólans 2011. Reynsla og þekking fararstjóra Ferðafélagsins og þekking kennara og vísindamanna Háskólans blandast saman í áhugaverðum gönguferðum og nú hjólaferðum um höfuðborgarsvæðið og næsta nágrenni þess. Ferðin er sú fimmta á þessu ári og og tekur hver um tvær klukkustundir. Þátttaka er ókeypis og allir eru velkomnir. Markmiðið með samstarfinu er að vekja áhuga almennings á fræðslu og hollri útivist og fjölga valkostum í þeim efnum. Um leið er vakin athygli og vonandi áhugi á fjölbreyttri starfsemi Háskólans og Ferðafélagsins.

Frá 1. október er opnunartími skrifstofu Ferðafélags Íslands frá kl. 12-17 alla virka daga.