Fréttir

Nýr Baldvinsskáli Ferðafélags Íslands var fluttur á Fimmvörðuháls um sl. helgi. Ólafur Örn Haraldsson forseti FÍ segir að með nýjum skála vilji FÍ tryggja öryggi ferðamanna á Fimmvörðuhásli og bæta alla aðstöðu þeirra sem gangi leiðina yfir Fimmvörðuháls. Þessir flutningar voru langt og strangt verkefni,“ segir Stefán Helgason húsasmiður í Vorsabæ í Flóa. Nýr skáli Ferðafélags Íslands á Fimmvörðuhálsi var um helgina fluttur frá Skógum undir Eyjafjöllum upp undir hábungu hálsins. Þar stóð fyrir Baldvinsskáli, sem FÍ eignaðist fyrir nokkrum árum. Sú bygging verður tekin ofan, enda orðin feyskin. Nýi skálinn er líkt og hinn fyrri A-laga bygging og er 63 fermetrar að flatarmáli. Með þessu hyggst Ferðafélag Íslands koma enn betur til móts við þann mikla fjölda fólks sem gengur yfir Fimmvörðuháls, en fáar leiðir njóta viðlíka vinsælda meðal útivistarfólks. Þúsundir fara um þessar slóðir á hverju ári og þar eru ummerki eldsumbrotanna vorið 2010 mikið aðdráttarafl. Skálinn var fluttur upp á hálsinn með vögnum og vinnuvélum.

Níunda  ganga verkefnisins Eitt fjall á mánuði 2012 á vegum Ferðafélags Íslands verður  farin laugardaginn 29. september.

Fararstjórar Páll Ásgeir Ásgeirsson og Rósa Sigrún Jónsdóttir30. september, sunnudagur Brottför kl 8.00 frá Mörkinni 6. Göngutími ca 9 klst. Ekið upp að Skarðsá undir Móskarðshnjúkum. Gengið er upp á hnjúkana, fyrist á þann hæsta og síðan haldið eftri þeim til vesturs um Laufskörð og yfir hina eiginlegu Esju. Síðan er haldið eftir brúnum Esjunnar með viðkomu á Hátindi og Hábungu og loks haldið niður Kerhólakamb og göngunni lýkur við Esjuberg. Þangað sækir rúta hópinn.Verð: 6.000 / 8.000 - Innifalið: Rúta og fararstjórn.

Ferðafélag Íslands og Landvernd bjóða upp á áhugaverða ferð í Köldulaugagil, Hagavíkurlaugar og Stangarháls laugardaginn 29. september.

Haustferð Hornstrandafara  22. september 2012Að þessu sinni varð Selvogsgata fyrir valinu. Þægileg og hæfilega löng leið. Áætlaður göngutími u.þ.b. 5 klst.Brottför frá F.Í., Mörkinni 6, kl. 09:30.Ekið að upphafsstað göngunnar við Grindaskörð..Að göngu lokinni verður ekið með hópinn að Hótel Örk í Hveragerði þar sem bíða sundlaug og heitir pottar, veislumatur og skemmtileg kvöldstund.Sundföt og önnur föt má geyma í rútunni.Verð kr. 6000.–, innheimt í rútunni, enginn posi, best að reiða fram nákvæmlega þessa upphæð.Dragið nú fram allt skemmtilegt sem þið eigið í fórum ykkar og leyfið okkur hinum að njóta.   Guðmundur Hallvarðsson spilar undir fjöldasöng. Munið að skrá ykkur fyrir 18. september hjá einhverjum neðantalinna:Eiríkur 849-9895, eiriktho@hi.isEygló 895-4645, eyglo@yggdrasill.isMaggi 895-6833, maggikonn@hive.isSkrifstofa F.Í. 5682533, fi@fi.is Gísli Már gmg@ormstunga.is eða með því að svara þessum pósti með „Reply“ Holl lesning til undirbúnings er: Ólafur Þorvaldsson. Selvogsgata og Krýsuvíkurleiðir. Ferðafélag Íslands. Reykjavík 1999. (Sjöundi titill í ritröðinni Fræðslurit Ferðafélags Íslands). (Fæst á skrifstofu F.Í.)

Leiðindaveður hefur verið undanfarna daga að Fjallabaki og í nótt snjóaði í Hrafntinnuskeri þannig að illfært var  fyrir trússbíla að þjónusta ferðahópa. Ferðafélag Íslands lokar skálum sínum á Laugaveginum eftir næstu helgi.

Ferðafélag Íslands bendir á ratleik í Heiðmörk sem félagið hefur nýverið sett upp sem tilvalinn leik til að taka þátt í degi íslenskrar náttúru sem Umhverfisráðuneytið stendur fyrir nk. sunnudag.  Allar nánari upplýsingar um ratleikinn má finna hér á heimasíðunni.....

Það rigndi fyrst smá, svo meira og að lokum eins og hellt væri úr fötu þegar Ferðafélag barnanna gekk um Heimaey fyrir skömmu. Vaskur krakkahópur lét það ekkert á sig fá heldur þrammaði um Eyjuna og skoðaði alls konar spennandi hluti. Fýlusvipurinn var aðeins settur upp fyrir myndavélina!

Gott veður og frábært skyggni.