Fréttir

Ferðafélag barnanna starfar yfir sumartímann.  Þá er boðið upp á ferðir sérstaklega fyrir börn og fjölskyldufólk.  Ferðaáæltunin Ferðafélags barnanna kemur út í lok mars og er kynnt hér á heimasíðunni.  Hér má þó sjá brot af því sem verður í boði í sumar, auk fjölskylduferðar um Laugaveginn,  Frí frá Facebook á Hornstrandir og fjölskylduferðir í Norðurfjörð.  Skráðir félagar í FB fá senda ferðaáætlunina heim auk félagsskirteinis.

FERÐAFÉLAG BARNANNAFjölskylduferð um Laugaveginn í sumarFerðafélag barnanna býður upp á fjölskylduferð um Laugaveginn 19. - 23. júlí í sumar.  Tilvalin ferð fyrir alla fjölskylduna með frábærum fararstjórum þeim Þórði og Fríðu. Fararstjórar: Þórður Marelsson og Fríður Halldórsdóttir Fjölskylduferð um vinsælustu gönguleið landsins, gist í skálum og farangur fluttur á milli staða. Fararstjórarnir Þórður og Fríður halda uppi stemmningu af sinni alkunnu snilld með ýmsum leikjum, æfingum og sprelli. Tilvalin ferð fyrir alla fjölskylduna. Verð: 50.000 fyrir fullorðin, kr. 20.000 fyrir börn. Innifalið: Gisting, trúss og fararstjórn. Skráning á skrifstofu FÍ  

Á þeim tímamótum sem framundan eru, aldarafmæli Háskóla Íslands árið 2011, hafa Háskóli Íslands og Ferðafélag Íslands ákveðið að vinna að ákveðnum verkefnum í sameiningu.  Verkefnið gengur út á það að Háskóli Íslands og Ferðafélag Íslands munu bjóða sameiginlega upp á gönguferðir sem auglýstar verðar undir formerkjum aldarafmælis Háskóla Íslands og Ferðafélagsins.

Göngugleði FÍ er verkefni sem hefur staðið yfir í nokkur ár.Þá er boðið upp á ókeypis gönguferð á sunnudögum í nágrenni Reykjavíkur. Þátttakendur mæta í Mörkina 6 kl. 10.30  og koma sér saman hvert skuli haldið.  Ekið er á einkabílum ( sameinast í bíla) að upphafsstað göngu.  Gönguferðin er öllu jafna 2 - 5 klst.  Takið með ykkur nesti og góðan útbúnað.Í þessum ferðum er lögð áhersla á að njóta útiverunnar og náttúrunnar, taka gott ,,kaff" spjalla og spekúlera.  Þátttakendur miðla af sínum viskubrunni, hvort heldur um sögu, náttúru eða hvað annað. Það eru allir velkomnir í göngugleði FÍ og þátttaka ókeypis.

Á Blákoll fyrst við bröltum áþað bara reyndist gaman.Þó blési á móti og blaut varð táþá blessaðist allt saman. Fyrsta gangan í 12 fjalla verkefni FÍ var um sl. helgi.  Þá gengu 92 þátttakendur á Blákoll.  Fararstjórar voru Ævar og Örvar Aðalsteinssynir auk fleiri fararstjóra en þeir bræður ( fjallabræður ) eru aðalfararstjórar verkefnisins.  Að lokinni göngu var til þessi ágæta vísa.

Ferðafélagið Norðurslóð fór í fyrstu göngu ársins á laugardaginn, 29. janúar. Gengið var um Rauðanesið í Þistilfirði. Veður var prýðilegt, nokkurra stiga hiti og lygnt er komið var út á nesið. Göngufæri var gott þó kastað hefði éljum kvöldið áður. Þátttakendur nutu hressandi útivistar og fallegrar náttúru í vetrarbúningi. Sjá nánar fréttir af starfi deilda.

FÍ býður nú upp á Esjan að vetri, gönguverkefni frá feb - júní þar sem gengið er á Esjuna einu sinni í viku með fararstjóra.  Í verkefninu er gengið eftir hinum ýmsu gönguleiðum á Esjunni sem eru miklu fleiri og fjölbreyttari en flestir gera sér grein fyrir.  Meðal annars verður gengið á Dýjadalshnúk, Kerhólakamb, í Gunnlaugsskarð, Móskarðshnúka, Laufskörð og Þverfellshorn.  Esjan að vetri er tilvalið sem undirbúningsverkefni fyrir gönguferð á Hvannadalshnúk.

Vegna óhagstæðra veðurskilyrða þarf að flytja gönguna sem vera átti á Reykjaborg laugardaginn 29. janúar. Vegna rigningar undanfarið er jarðvegur í Hafrahlíð og við Reykjaborg orðinn mjög blautur auk þess sem frost er að fara úr jarðvegi þannig að göngufólk kæmi til með að sökkva í mela og viðkvæman gróður á gönguleiðinni og þar með er hætta á gróðurspjöllum. Því hefur verið ákveðið að flytja gönguna á Úlfarsfell og leggja af stað frá Leirtjörn kl. 11:15.

Fyrsta ganga verkefnisins Eitt fjall á mánuði á vegum Ferðafélags Íslands verður farin laugardaginn 29. janúar. Gengið verður á Blákoll sem er 532 m. hátt móbergsfell rétt austan við Litlu kaffistofuna  í Svínahrauni sunnan þjóðvegar.  Við austurmynni Jósepsdals eru tveir áberandi hnúkar sem nefnast Sauðdalahnúkar en Blákollur er rétt austan við þá og nær veginum.Upphafsstaður göngu er við áminningarskilti Umferðarstofu þar sem bílhræi er stillt upp á stólpa rétt fyrir ofan brekkuna austan við Litlu Kaffistofuna. Þar er hægt að aka út af veginum ofan í malarnám.Þar hefst gangan kl. 10.30. en þeir sem vilja geta hist í Mörkinni 6 við húsakynni Ferðafélagsins og sameinast í bíla. Brottför úr Mörkinni 6 er kl. 10.00. Hér er kort sem sýnir staðsetningu FÍ.Um er að ræða 300 metra hækkun og lengd göngu er um 6 km. og má gera ráð fyrir að hópurinn verði við bíla aftur um kl. 13.00. Búið ykkur vel. Reikna má með einhverri úrkomu og vindi af suðri. Fararstjórar verða: Örvar Aðalsteinsson, Ævar Aðalsteinsson, Ólafía Aðalsteinsdóttir, Einar Ragnar Sigurðsson og Jóhanna Haraldsdóttir.Hér má sjá kort af gönguleiðinni á Blákoll.                                     GSM símar fararstjóra: Örvar Aðalsteinsson 899-3109Ævar Aðalsteinsson 696-5531Ólafía Aðalsteinsdóttir 862-2863Einar Ragnar Sigurðsson 899-8803Jóhanna Haraldsdóttir 864-4719

Reglulega gefur Ferðafélagið út fréttabréf. Bréfin eru flest rafræn en einnig er á hverju ári gefið út fréttabréf á pappír. Þessi fréttabréf eru nú aðgengileg hér á vefnum og hægt er að skoða þau hér >>.