Fréttir

Á nýju ári verður verkefnið: Eitt fjall á viku, sett af stað að nýju. Kynningarfundur verður í sal FÍ í Mörkinni 6 þann 5 janúar 2011 og hefst kl.20.00.Eins og nafnið ber með sér felst verkefnið í því að ganga á 52 fjöll á árinu. Gengið verður í hverri viku framan af ári en síðan þéttar. Gefið er sumarfrí í átta vikur en svo tekið til við verkefnið af fullum krafti.Fjöllin sem gengið er á eru allt frá lágum fjöllum við bæjardyr Reykjavíkur yfir í Hvannadalshnúk. Tvisvar sinnum yfir árið er farið í helgarferðir til þess að safna fjöllum og verður farið í Landmannalaugar og Þórsmörk.Þátttakendur læra að takast á við ólík verkefni, þekkja sjálfan sig og sín takmörk og síðast en ekki síst kynnast skemmtilegu fólki og komast í gott form.Nánar verður auglýst í dagblöðum um áramótin. Nýársgjöfin frá þér til þín í ár er þátttaka í þessu stórskemmtilega verkefni.

Árlega Þrettándaferð bíladeildar FÍ í Langadal í Þórsmörk verður farin 8.- 9. janúar.  Ekið í Langadal í Þórsmörk og gist í Skagfjörðsskála.  Farið í stuttar jeppaferðir, skoðunaferðir, gönguferðir og stjörnuskoðun, kvöldvaka á grill á laugardegi.  Háldið heimleiðis á sunnudag með viðkomu á nokkrum stöðum. Komið til Reykjavíkur um eða efftir mjaltir.  Fararstjóri: Gísli Ólafur Pétursson.

Skrifstofa FÍ er lokuð á milli jóla og áramóta.  Sérsakur vaktsími vegna lykla í skála er 895-3388.

Fjölmenni var í blysgöngu FÍ og Útivistar í gærkvöldi þegar gengið var með blys um skóginn í Öskjuhlíð.  Jólasveinar komu í heimsókn og tóku lagið við undirspil og skotið var upp flugeldum.

Þriðjudaginn 28. desember verður gengið frá Nauthóli um göngustíg í skóginum í Öskjuhlíð. Gangan hefst kl. 18:00.  Mæting við Nauthól.  Jólasveinar mæta í skóginum og taka lagið. Þátttaka ókeypis / allir velkomnir.  Þátttakendur eru hvattir til að taka með sér kyndla en FÍ og Útivist dreifa blysum á meðan birgðir leyfa. Gert er ráð fyrir að gönguferðin taki ca 1 1/2  - 2 klst.  Ekki verður boðið upp á flugeldasýningu við Perluna að þessu sinni.  

Þriðjudaginn 28. desember verður gengið frá Nauthóli um göngustíg í skóginum í Öskjuhlíð. Gangan hefst kl. 18:00.  Mæting við Nauthól.  Jólasveinar mæta í skóginum og taka lagið. Þátttaka ókeypis / allir velkomnir.  Þátttakendur eru hvattir til að taka með sér kyndla en FÍ og Útivist dreifa blysum á meðan birgðir leyfa. Gert er ráð fyrir að gönguferðin taki ca 1 1/2  - 2 klst.  Ekki verður boðið upp á flugeldasýningu við Perluna að þessu sinni.  

Ferðafélag Íslands sendir öllum félagsmönnum sínum, samstarfsaðilum, velunnurum og landsmönnum öllum bestu óskir um gleðileg jól og farsælt komandi ár og þakkar ánægjulega samfylgd á árinu sem er að líða.

Skrifstofa Ferðafélagsins verður lokuð frá og með 23. desember 2010 til 3. janúar 2011.Síðasti opnunardagur skrifstofu er því 22. desember. Sérstakur vaktsími í skála er 895-3388

Ferðafélag Íslands hefur undanfarna tvo mánuði, í samstarfi við Reykjalund og Rannsóknarstofu í íþrótta- og heilsufræðum við Háskóla Íslands, boðið upp á gönguferðir fyrir offitusjúklinga sem um leið er hluti af rannsókn á áhrifum reglubundinnar útivistar í endurhæfingu offitusjúklinga á Reykjalundi.  Páll Guðmundsson framkvæmdastjóri FÍ segir að Ferðafélagið hafi undanfarin misseri unnið að því að efla samstarf við góða aðila um gönguferðir sem forvarnarstarf og endurhæfingu og samstarfið nú við Reykjalund og HÍ sé liður í því. Páll segir að loknu þessu rannsóknarverkefni sem nú standi yfir sé markmiðið að bjóða upp á slík verkefni opin öllum, auk þess sem horft sé til fleiri hópa svo sem þá sem eru með hjarta- og æðasjúkdóma, geðraskanir, þunglyndi og fleiri sjúkdóma, þar sem gönguferðir, líkamsrækt og útivera geta hjálpað verulega.

Göngugarpar munu sameinast um að búa til Ljósafoss niður Esjuna í dag og hefst ganga þeirra klukkan 14:30. Tilgangurinn með göngunni er að safna fé fyrir Ljósið, endurhæfingar- og stuðningsmiðstöð fyrir fólk sem hefur fengið krabbamein eða blóðsjúkdóma og aðstandendur þeirra, en félagið fagnar í ár fimm ára afmæli sínu. Af því tilefni rennur allur ágóði af kaffisölu í Esjustofu til félagsins í dag.