Fréttir

Það var myndarlegur hópur félagsmanna og sjálfboðaliða FÍ sem fór í vinnuferð í Hornbjargsvita í lok júní sl. Tekið var til hendinni við að gangsetja húsið fyrir sumarið, þrífa, mála, lagfæra og koma upp rennunni sem flytur farangur úr fjörunni, auk þess að koma á rafmagni og hita í Hornbjargsvita.

Góð vísa er aldrei of oft kveðin. Það er mjög mikilvægt fyrir ferðamenn að vera vel búnir í ferðum sínum um hálendið. Göngufatnaður, hlífarfatnaður, bakpoki, nesti, gps tæki og fjarskiptabúnaður er nauðsynlegur í allar lengri ferðir. Þá er mikilvægt að kynna sér veðurspá, þekkja leiðina og aðstæður og skilja eftir ferðaáætlun á www.safetravel.is

Ferðafélag Íslands býður upp á einstaka ferð á fyrirhugað virkjanasvæði neðan Ófeigsfjarðarheiðar dagana 10. - 13. ágúst. Lagt er upp með að sýna þátttakendum í ferðinni umrætt svæði á hlutlausan hátt þannig að hver og einn geti myndað sér skoðun á þessum virkjanakosti byggða á eigin upplifun. Þátttakendur koma sér á eigin vegum til Norðurfjarðar fimmtudaginn 10. ágúst. Gist verður í tvær nætur að Valgeirsstöðum en eina nótt á á fyrirhuguðu virkjanasvæði. Gengið verður upp með Eyvindarfjarðará og að Eyvindarfjarðavatni og Hvalárvötnum og fossaraðir í í Hvalá og Eyvindarfjarðará skoðaðar, meðal annars fossinn Drynjandi. Þátttakendur heimsækja Kaffi Norðurfjörð og Kört og ganga á fjöll í Árneshreppi, þ.e. Urðartind og Töflu.

Ferðafélag Akureyrar (FFA) var stofnað þann 8. apríl 1936. Var það fyrsta deildin í Ferðafélagi Íslands (FÍ) utan Reykjavíkur. FFA beitti sér frá upphafi einkum fyrir ferðum um Norðurland en auk þess hefur oft verið farið á vegum félagsins í aðra landshluta og stöku sinnum erlendis.

Fyrsti þáttur nýrrar þáttaraðar um 90 ára sögu Ferðafélags Íslands verður frumsýndur á Hringbraut í kvöld klukkan 21:30, en þar fræðir sjónvarpsmaðurinn Sigmundur Ernir Rúnarsson áhorfendur sína um ferðamennsku hér á landi, allt frá landnámi til okkar daga. Alls eru þættirnir fjórir og allir á dagskrá á Hringbraut á fimmtudögum kl 21:30 fram í fyrstu vikuna í ágúst.

Ferðafélaginn, 90 ára afmælisrit Ferðafélags Íslands, er komið út. Sneisafullt af fróðleik, upplýsingum og sögum af kraftmiklum og lífsglöðum félagsmönnum sem eiga án efa eftir að hafa jákvæð og hvetjandi áhrif á lesendur.

Ferðafélag Íslands og VÍS hafa skrifað undir samstarfssamning varðandi Lýðheilsugöngur FÍ sem boðið verður upp á í öllum sveitarfélögum landsins í september. Göngurnar eru einn af hápunktum á afmælisári FÍ en félagið fagnar 90 ára afmæli á árinu.

Ferðafélag Íslands, Umhverfisstofnun og Rangárþing ytra hafa í samstarfi sett upp vegvísa á Laugaveginum sem vísa göngufólki leið að næstu skálum til beggja átta og segja til um vegalengdir. Alls verða settir upp 24 vegvísar á leiðinni sem er 55 km. löng.

Árbók Ferðafélags Íslands kemur nú út í nítugasta sinn. Í ár er Ísafjarðardjúp til umfjöllunar. Um Djúpið hefur verið fjallað einu sinni áður, árið 1949 þegar Jóhann Hjaltason skrifaði um Norður-Ísafjarðarsýslu, þar með talda Jökulfirði og Hornstrandir. Um þau ævintýralönd fjallaði Guðrún Ása Grímsdóttir í árbókinni 1994.

Undirritaðir voru á dögunum samningar milli Ferðafélags Íslands og Arion banka þess efnis að bankinn verði aðalsamstarfsaðili og bakhjarl FÍ næstu þrjú árin.