Fréttir

Margar nýungar eru í ferðaáætlun Ferðafélags Íslands fyrir árið 2010. Má þar nefna nokkrar sumarleyfisferða félagsins hafa ekki áður verið á dagskrá og einnig er boðið upp á fjölmargar helgar- og dagsferðir sem ekki hafa boðist áður. Nýjungar eru dæmis daglegar jökulgöngur úr Þórsmörk á Eyjafjallajökul snemma sumars og einnig ferðir um Friðland að fjallabaki sem er umfjöllunarefni Árbókar FÍ í ár. „Yngra fólk leitar í auknum mæli til okkar og er opið fyrir hressilegum áskorunum, eins og verkefninu 52 fjöll sem við fórum af stað með í ársbyrjun. Ferðafélagið mætir vaxandi áhuga yngra fólks með mikilli ánægju," segir Sigrún Valbergsdóttir formaður ferðanefndar Ferðafélags Íslands.

,,Það er ánægjulegt að sjá aukinn áhuga landsmanna á gönguferðum, fjallgöngurm og útiveru almennt.  Við höfum skynjað þennan aukna áhuga nú sl. ár en sumarið 2009 var metár hin síðari ár hjá félaginu, " segir Páll Guðmundsson framkvæmdastjóri FÍ.  ,, Í nýútkominn ferðaáætlun er boðið upp á fjölbreyttar ferðir, allt frá léttum gönguferðum í byggð yfir í erfiðar fjallgöngur á hæstu tinda landsins, og allt frá barnavagnagöngum yfir í eldri borgara ferðir, þannig að allir eiga að geta fundið eitthvað við sitt hæfi í ferðaáætlunni, "segir Páll

Ferðaáætlun FÍ 2010 er nú komin út og má finna allar ferðir sumarsins í áætluninni og hér á heimasíðunni. ,,Hressilegar áskoranir," segir formaður ferðanefndar FÍ. Áætlunin má skoða hér >> 

Ferðaáætlun FÍ 2010 er nú í prentsmiðju og kemur til dreifingar til félagsmanna í lok vikunnar.  Ferðaáætlunin er full af áhugaverðum ferðum, dagsferðum, helgarferðum og sumarleyfisferðum, auk skíðaferða og námskeiða af ýmsu tagi. Um leið og ferðaáætlunin kemur út, eða frá og með föstudeginum 29. janúar verður byrjað að bóka í ferðir.  Ný heimasíða FÍ opnar í dag og verða þar allar ferðir í áæltuninni og pdf skjal af Ferðaáæltuninni.

Myndir úr eiit fjall á viku - Mosfell eru nú komnar á myndabanka FÍ. Tæplega 160 þátttakendur tóku þátt í gönguferðinni í dag í rigningu og sudda og sást lítið til næstu fjalla af tindi Mosfells.

Ferðafélag Íslands hefur náð hagstæðum samningum við Cintamani og býður nú öllum félagsmönnum sínum glæsilega Cintamani peysu úr techno - strechts með merki FÍ og íslenska fánanum í saumað á kr. 10.000 en söluvirði slíkrar peysu úr verslun er kr. 22.000.  Aðeins er um einn lit að velja, sérstakan Ferðafélagslit, fallega blár. Félagsmenn geta pantað peysu á skrifstofu félagsins fyrir 10. febrúar.  Hægt er að máta peysur á skrifstofunni Mörkinni 6 og skoða litinn á peysunni.

Gengið verður á Mosfell sunnudaginn 24. janúar kl. 11. Mæting er við Mosfellskirkju. Þeir sem vilja sameinast í bíla leggja af stað frá Mörkinni 6 kl. 10.30.  Nú er skráningu lokið í verkefnið og alls hafa um 200 manns skráð sig.  Annar undirbúningsfundur verkefnisins verður haldinn fimmtudaginn 28. jan kl. 20. Þar verður farið frekar yfir dagskrá ársins, hópaskiptingu, afhendar möppur til þátttakenda sem og stigið á stokk og heitið um að ganga á fjöllin 52 strengt.  Allur hópurinn gengur á Mosfell. Sjá myndir frá Úlfarfelli og Helgafelli á myndabanka FÍ  

Hugmyndin er að hittast nokkrum sinnum á ári, ýmist á fræðslufyrirlestrum eða í vettvangsferðum, og leita til sérfræðinga um að koma með innlegg, allt eftir áhuga og/eða aðstæðum hverju sinni, t.d. ef einhverjir þeir atburðir verða sem kalla á að um þá sé fjallað. Við viljum að yfirbyggingin verði sem allra minnst og reglur félagsins einfaldar í sniðum, svo jafnvel verði hægt að komast hjá því að leggja á félagsgjöld og halda utanum slík leiðindi. Þetta á bara að vera gaman.

Um 150 manns mættu á myndakvöld Ferðafélags Íslands á miðvikudagskvöld. Þar voru sýndar myndir úr skíðaferðum um fjöll og jökla að vetrarlagi. Einar Ragnar Sigurðsson sýndi myndir úr ferðum um Laugaveginn á skíðum og ferð þvert yfir Vatnajökul sumarið 1997. Páll Ásgeir Ásgeirsson sýndi myndir úr skíðaferðum um Síðuafrétt og inn í Öskju veturna 2008 og 2009. Fjöldi gesta endurspeglar mikinn áhuga á ferðum af þessu tagi og nokkrar umræður urðu um búnað og skipulag í ferðum af þessu tagi.

Næsta myndakvöld Ferðafélags Íslands verður tileinkað vetrarferðum á skíðum og er haldið undir yfirskriftinni: Í heimi frosts og fanna Myndakvöldið fer fram miðvikudagskvöldið 20 jan. n.k. og verður að vanda haldið í sal Ferðafélagsins í Mörkinni 6 og hefst kl. 20.00. Í hléi eru kaffiveitingar með bakkelsi samkvæmt hefð. Aðgangseyrir er á sannkölluðu kreppuverði eða aðeins 600 krónur á mann. Fyrrihluti myndasýningarinnar er í umsjá Einars Ragnars Sigurðssonar. Einar er reyndur fjallamaður sem hefur stundað skíðaferðir um hálendi Íslands í áratugi. Hann er verðlaunaður ljósmyndari en myndir hans hafa unnið til verðlauna í alþjóðlegum og íslenskum samkeppnum. Einar sýnir myndir úr gönguskíðaferðum yfir Vatnajökul, í Landmannalaugar og um Fjallabak, Torfajökul og Laugaveginn. Seinnihluti myndasýningarinnar er í umsjá Páls Ásgeirs Ásgeirssonar sem sýnir myndir úr gönguskíðaferðum í Öskju og um Síðuaafrétt veturna 2008 og 2009. Páll Ásgeir hefur ferðast um íslensk fjöll í áratugi, skrifað leiðsögubækur og er einn af fararstjórum FÍ auk þess að sitja í stjórn félagsins.