Fréttir

Fullbókað er í næstu ferðir FÍ þ.e.  Laugavegsferð á miðvikudag og matarmenningu á hverju strái. Laust er í spennandi dagsferðir um næstu helgi, annars vegar um Síldarmannagötur og hins vegar á Botnssúlur.  Sjá nánar undir ferðir.

Ferðafélag Skagfirðinga og Ferðafélagið Hörgur gengust sameiginlega fyrir göngu yfir Nýjabæjarfjall. Var gengið frá Skatastöðum í Austurdal í Skagafirði yfir í Villingadal í Eyjafirði laugardaginn 25. júlí og tók ferðin 14 tíma.

Ferðafélag Barnanna stendur fyrir fjölskylduhátíð í Heiðmörk í dag og hefst dagskráin kl. 14.  Meðal annars er boðið upp á ratleik, gönguferðir, Ingó úr Veðurguðunum og grænmetisveislu. Ljóst er að veðurblíða mun leika við borgarbúa í dag og því um að gera fyrir alla að drífa sig út og skella sér upp í Heiðmörk.  Þátttaka er ókeypis og allir velkomnir.

Ferðafélag Íslands stofnaði nýlega Ferðafélag barnanna. Markmið hins nýja félags er að stuðla að heilbrigðri útivist fyrir fjölskyldur í náttúru landsins. Aðalbakhjarl Ferðafélags barnanna er Nýja Kaupþing. Að þessu tilefni er efnt til fjölskyldu- og útivistarhátíðar í Heiðmörk  n.k. laugardag 15. ágúst kl 14 - 16.

Ferðafélag Íslands hefur alltaf kappkostað að bjóða almenningi upp á ferðir um Ísland og þá ekki síður um þá hluta sem eru síður þekktir en hinar allra vinsælustu ferðamannaslóðir. Á morgun, sunnudaginn 16. ágúst verður boðið upp á gönguferð sem ber yfirskriftina: Borgfirsku alparnir: Háleiksvatn og Grjótárvatn. sjá nánar »

Ferðafélag Barnanna stendur fyrir fjölskyldudegi í Heiðmörk næstkomandi laugardag. Léttar gönguferðir, ratleikir, sprell og allir fá hollt og gott grænmeti. Ingó mætir og dagskráin stendur frá 14:00- 16:00.  Þátttaka er ókeypis og allir eru velkomnir.

Örfá sæti eru laus í hina stórskemmtilegu gönguferð Fossagönguna í Gnúpverjaafrétti um næstu helgi.  Tæplega 30 manns eru skráðir í ferðina en hámarksfjöldi er 30.  Fararstjórar eru  hinar sívinsælu Sigþrúður Jónsdóttir og Björg Eva Erlendsdóttir, báðar heimamenn úr Gnúpverjahreppi.   Gengið með Þjórsá að vestan og skoðaðir 3 stórfossar hennar, Kjálkaversfoss, Dynkur og Gljúfurleitarfoss. Að auki er gengið á tignarsmiðina Ófærutanga og Geldingatanga.

María, María í Þórsmörk Í kjölfar þess að íslenskt fjármálakerfi hrundi til grunna hafa margir Íslendingar endurmetið viðhorf sitt til þess hver eru þau raunveruleg verðmæti sem lífið býður upp á. Að vonum líta margir til fortíðar með eftirsjá þegar lífið var einfaldara, fábrotnara og einhvern veginn skemmtilegra.

Ferðafélag Íslands hefur alltaf kappkostað að bjóða almenningi upp á ferðir um Ísland og þá ekki síður um þá hluta sem eru síður þekktir en hinar allra vinsælustu ferðamannaslóðir. Um miðjan ágúst í sumar verður boðið upp á gönguferð sem ber yfirskriftina: Borgfirsku alparnir: Háleiksvatn og Grjótárvatn.

Sumarleyfisferðir FÍ eru sérlega vel bókaðar í sumar. Flestar ferðir eru fullbókaðar og hafa verið settar upp nokkrar aukaferðir.  Nú er boðið upp á aukaferð á Arnarvatnsheiði í ágúst., Með eilífðinni á Arnarvatnsheiði  Surtshellir, gígur, hraun og veiði , síðsumarstemming, berjamó og fyrstu haustlitir.  Fararstjóri í ferðinni er Sigrún Valbergsdóttir leikstjóri og varaforseti FÍ.