Fréttir

Ferðafélag Íslands hefur alltaf kappkostað að bjóða almenningi upp á ferðir um Ísland og þá ekki síður um þá hluta sem eru síður þekktir en hinar allra vinsælustu ferðamannaslóðir. Um miðjan ágúst í sumar verður boðið upp á gönguferð sem ber yfirskriftina: Borgfirsku alparnir: Háleiksvatn og Grjótárvatn.

Sumarleyfisferðir FÍ eru sérlega vel bókaðar í sumar. Flestar ferðir eru fullbókaðar og hafa verið settar upp nokkrar aukaferðir.  Nú er boðið upp á aukaferð á Arnarvatnsheiði í ágúst., Með eilífðinni á Arnarvatnsheiði  Surtshellir, gígur, hraun og veiði , síðsumarstemming, berjamó og fyrstu haustlitir.  Fararstjóri í ferðinni er Sigrún Valbergsdóttir leikstjóri og varaforseti FÍ.

Fullbókað var í ferð Ferðafélags barnanna um Laugaveginn sem lauk í gær í Þórsmörk.. Alls tíu foreldrar og 12 börn voru í hópnum sem gekk Laugaveginn með hefðbundnum hætti á fjórum dögum.  Þá er einnig fullbókað í  unglingaferð FÍ Halló Bolungarvík - Reykjarfjörður sem hefst eftir verslunarmannahelgi.

Nokkur sæti eru laus í kvennaferð FÍ um Laugaveginn í ágúst.  Kvennaferðir eru eins og nafnið gefur til kynna aðeins ætlaðar konum og eru auk sérstakar dekurferðir, ekki síst þegar kemur að matseðlinum í dagslok. Sjá nánar um ferðina undir ferðir.

Árbók FÍ um Vestmannaeyjar hefur verið afar vel tekið en bókin kom út í júní.  Bókin er ríkulega myndskreytt og í henni eru fjölda korta um Vestmannaeyjar og ekki síst er textinn skrifaður af f'ádæma þekkingu höfundar og úrvalsliðs aðstoðarmanna.  Félagsmenn í Ferðafélaginu eru minntir á að greiða árgjaldið og fá þá árbókina senda heim.

Myndir úr Þjórsárveraferð FÍ í sumar í fararstjórn Gísla Más Gíslasonar og Þóru Ellenar Þórhallsdóttur má sjá með þv að smella hér

Myndir úr ferðum FÍ í sumar verða setta í myndabankann á heimasíðunni eftir því sem þær berast til skrifstofu frá fararrstjórum eða þátttakendum í ferðum.  Þessar skemmtilegu myndir úr ferð FÍ ,,Björg í bú" þar sem Gísli Már Gíslason prófessor var fararstjóri má sjá með því að smella hér  Eyjölfur Sturlaugsson tók myndirnar.

Umferð um Laugaveginn, vinsælustu gönguleið landsins hefur aldrei verið meiri en í sumar. Bæði er töluvert aukning af íslendingum á ferð og einnig eru fleiri erlendir ferðamenn á leiðinni.  Skálar FÍ á leiðinni eru allir meira og minna fullbókaðir í júlí og fram í ágúst.

Brynjudalur er afar fallegur og gróðursæll, umgyrtur háum fjöllum á báða vegu. Norðan dals heitir Múlafjall en sunnan eru það Bolafell og Suðurfjall og Þrándarstaðafjall vestast. Innst í dalbotninium heita Þrengsli. Brynjudalur státar af  ótal giljum, flúðum og fossum sem vert er að gefa gaum. Eftir dalnum miðjum rennur Brynjudalsá sem á upptök sín í Sandvatni austan Djúpadalsborga. Rómantískara og fallegra verður það varla

Brynjudalur er afar fallegur og gróðursæll, umgyrtur háum fjöllum á báða vegu. Norðan dals heitir Múlafjall en sunnan eru það Bolafell og Suðurfjall og Þrándarstaðafjall vestast. Innst í dalbotninium heita Þrengsli. Brynjudalur státar af  ótal giljum, flúðum og fossum sem vert er að gefa gaum. Eftir dalnum miðjum rennur Brynjudalsá sem á upptök sín í Sandvatni austan Djúpadalsborga. Rómantískara og fallegra verður það varla