Fréttir

Ferðafélagið býður upp á gönguferðir á Esjuna,  Esjan alla daga 6. - 10. júlí.   Fararstjóri er hinn síungu Þórður Marelsson.  Þátttaka er ókeypis, allir velkomnir.  Á föstudeginum 10. júlí verður boðið upp á morgungöngu kl. 6.30.

Eiður Smári er nú mættur til starfa sem skálavörður í Skagfjörðskála FÍ í Langadal í Þórsmörk.  Eiður Smári segir að það hafi verið afar gott að komast í frí eftir langa törn að undanförnu í skólanum en Eiður Smári er 15 ára og nýbúinn með  gagnfræðapróf.  Eiður er bróður Elvu skálavarðar í Langadal og verður til aðstoðar í Kaupfélaginu í Þórsmörk. Hvort að Eiður Smári knattspyrnuhetja frá Barcelona mætir í Þórsmörk i sumar er óvíst en nafni hans tæki þá örygglega vel á móti honum.

Gönguferðir um Laugaveginn eru nú farnar af stað af fullum krarfi. Skálaverðir Ferðafélagins mættu til starfa um miðjan júní í öllum skálum á Laugaveginum og hefur umferð göngufólks verið að aukast dag frá degi.  Þátttaka í sumarleyfisferðum FÍ um land allt hefur aldrei verið meiri og fullbókað í flestar ferðir.

Á Esjudeginum um sl. helgi var settur af stað ratleikur FÍ og VISA sem gengur út á að finna silfur Egils í Esjuhlíðum. Settir hafa verið upp fimm leynistaðir/gullkistur frá bílastæði og upp að brú.  Þátttakendur skila svörum á fi@fi.is og verður dregið úr hópi þátttakenda í haust og hljóta hinir heppnu veglega útivistarvinninga.

Esjuhappdrætti FÍ og VISA er nú hafið en allir þeir sem skrifa nafn sitt og netfang í gestabók FÍ á Þverfellshorni eða við Stein lenda í potti sem dregið er úr vikulega.  Hinir heppnu hljóta veglega vinninga frá Cintamani.  Esjuhappdrætti FÍ hefur verið sl. ár og hafa á hverju sumri 8 - 12 þúsund göngugarpar  skráð sig í gestabækurnar.

Í nýjasta Fimmtudagsviðtali FÍ hér til hliðar á síðunni, ræðir Sigríður Lóa Jónsdóttir fararstjóri um fegurð og leyndardóma Hornstranda, en hún hefur um árabil ferðast um þetta einstaka gönguland. Margir Hornstrandafarar bíða þess að geta lagt land undir fót og heimsótt svæðið og ættu vonandi að geta stytt biðina með því að lesa frásagnir Siggu Lóu af sérkennilega fámálugum ferðalöngum, veðurtöfum í vatnavöxtum og fleiru skemmtilegu sem fyrir hana hefur borið.

Esjudagur FÍ og VISA verður laugardaginn 27.júní kl 13Þátttaka ókeypis allir velkomnir.  Á dagskrá er meðal annars gönguferðir við allra hæfi í fylgd með fararstjórum Ferðafélagsins, skógarferðir, ratleikir,  Esjuhlaupið ofl.  Sveppi mætir og kynnir dagskránna. Þátttaka er ókeypis, allir velkomnir.

Ferðafélag Íslands boðaði til stofnfundar Ferðafélags Barnanna mánudaginn 22.júní kl .13.30 við rætur Esju – nánar tiltekið við göngustíginn á Þverfellshorn. Félagsgjald í Ferðafélagi barnanna er kr. 1000.  Innifalið í félagsgjaldi er félagskírteini og þátttaka í ferðum og viðburðum og vegum félagsins.  Hægt er að skrá sig í Ferðafélag barnanna með því að senda tölvupóst á fi@fi.is og gefa upp nafn og kt, og nafn forráðamanns.

Svavar Sigmundsson verður sjötugur 7. september 2009. Af því tilefni mun Stofnun Árna Magnússonar í íslenskum fræðum gefa út afmælisrit honum til heiðurs með úrvali greina eftir hann. Valdar hafa verið 35 greinar eftir Svavar og spanna þær undanfarna fjóra áratugi. Meirihluti greinanna fjallar um nöfn og nafnfræði. Sjá eftirfarandi efnisyfirlit. Þar má finna greinar á sex tungumálum (dönsku, ensku, færeysku, íslensku, sænsku og þýsku). Auk þeirra verður í bókinni heildarskrá um útgefin rit Svavars Sigmundssonar. Bókin verður um 300 bls. að stærð.