Fréttir

Nemendur í 9. bekk Smáraskóla í Kópavogi eru nú í hjólaferð í umsjón Ferðafélagsins að Fjallabaki.  Hjólað er úr Landmannahelli í Landmannalaugar, þaðan í Hólaskjól og loks niður að Eldvatni. Alls eru 45 nemendur ásamt fararstjórum og kennurum í ferðinni.  Smáraskóli hefur lengi starfrækt mjög öflugt útivistarlíf í skólanum og hefur alið upp ferðafélaga og fjallafólk í skólanum.

Í sumar hafa verið tekin í notkun ný og glæsileg skilti við upphaf  gönguleiðanna á Hvannadalshnúk og Fimmvörðuháls sem Ferðafélag Íslands með fulltingi Menningarsjóðs Valitors hefur sett upp.  

Gangan hefst rétt innan Hrísakots í Brynjudal. Gengið upp úr dalnum, upp með Þórisgili og yfir í Botnsdal. Ef veður og aðstæður leifa verður gengið upp með Glymsgili og komið á þann stað sem Glymur sést allur. Gangan endar síðan  við hliðið hjá Stóra-Botni í Botnsdal.   Fararstjóri: Eiríkur Þormóðsson Brottför frá Mörkinni 6 kl. 10. Göngutíimi 4-5 klst. Rúta

Ferðafélagið efnir til göngu á Kvígindisfell (783 m) laugardaginn 12. september. Lagt verður af stað frá Mörkinni 6 kl. 10.30. Kvígindisfell er á mörkum Árnessýslu og Borgarfjarðarsýslu, nálægt Uxahryggjaleið, um klukkustundar akstur frá Reykjavík. Mjög víðsýnt er af fjallinu, en til þessa hefur ekki verið ýkja tíðförult á það. Fararstjóri í ferðinni er Ingi Sigurðsson, farið er á einkabílum og er sameinast í bíla við brottför.  Þátttaka er ókeypis, allir velkomnir.

Nokkuð sérstök ferð verður á vegum Ferðafélags Íslands dagana 12. og 13. september nk. en það er svokölluð Draugaferð í elsta sæluhús Ferðafélagsins í Hvítárnesi. Fararstjórar eru hjónin Páll Ásgeir Ásgeirson og Rósa Sigrún Jónsdóttir, margreyndir fararstjórar og ferðabókahöfundar.

Fyrir 30 árum hóf Ferðafélag Íslands uppbyggingu á Laugaveginum, vinsælustu gönguleið landsins sem liggur úr Landmannalaugum í Þórsmörk.  Félagið hafði þá lengi haft starfsemi bæði í Landmannalaugum og í Þórsmörk og unnið að náttúruvernd og uppbyggingu á þeim svæðum.  Í tilefni af 30 ára afmæli Laugavegarins stendur félagið fyrir afmælisgöngu úr Botnum á Emstrum í Þórsmörk seinni part septembermánaðar.

Allir gera sér grein fyrir að óbyggðir landsins geyma ýmis verðmæti. Þar eru beitilönd, vatnsföll, jarðefni, fiskur og fuglar. Eitt sinn greru þar víðfeðmir skógar og kjarr. Líka er þar landslag og fjölbreyttar jarðmyndanir, sandar, jöklar og margt fleira.

Fréttamaðurinn og skemmtikrafturinn Ómar Ragnarsson segir að í nýverið hafi spjöll verið unnin við svonefndan Sogalæk á Suðvesturlandi, sem komi úr Sogunum við vesturhlíð Trölladyngju. „Án nokkurrar umfjöllunar hjá Skipulagsstofnun eða Umhverfisstofnun fengu virkjanafíklar að umturna einstaklega fallegri gönguleið upp með Sogalæknum,“ segir Ómar á bloggvef sínum.  Ómar bendir á að það hefði alls ekki átt að leyfa tilraunaborun á svæðinu. Þar sem það var gert hefði verið auðvelt að bora tilraunaholum með skáborun og þar með hefði ekki þurft að leggja að henni veg.„Í þess stað var vaðið með jarðýturnar inn í græna, gróna hlíð við op Soganna og sargað inn í hlíðina 3000 fermetra svart borplan. Í ofanálag var lagður vegur fyrir trukkana á bakka Sogalækjarins og gönguleiðinni tortímt,“ skrifar Ómar. //

Ferðafélag Íslands efnir til göngu á Kvígindisfell (783 m) laugardaginn 12. september. Lagt verður af stað frá Mörkinni 6 kl. 10.30. Kvígindisfell er á mörkum Árnessýslu og Borgarfjarðarsýslu, nálægt Uxahryggjaleið, um klukkustundar akstur frá Reykjavík. Mjög víðsýnt er af fjallinu, en til þessa hefur ekki verið ýkja tíðförult á það.

Þrátt fyrir að verulega hafi dregið úr umferð göngufólks um Laugaveginn er enn töluverður fjöldi göngumanna enn á ferð á leiðinni.  Rétt er að benda veður geta orðið válynd á haustdögum og því afar mikilvægt að vera vel búinn og fylgjast með veðurspá áður en lagt er af stað.  Skálaverðir Ferðafélagsins verða í skálum fram í september eftir því sem umferð og ástæða er til.  Gríðarlegt öryggisnet skálavarða FÍ hefur virkað mjög vel í sumar en allir ferðalangar hafa verið skráðir inn og út úr skálum og fylgst með ferðum þeirra.  Ferðamenn hafa kunnað þessari gæslu afar vel og glaðir látið vita af ferðum sínum og ekki síst þegar komið er í Þórsmörk, þá koma margir göngumenn veifandi til skálavarða ,, ég er kominn,"