Fréttir

20 manns tóku þátt í draugaferð FÍ í Hvítárnes og að Beinahóli um helgina undir fararstjórn Páls Ásgeirs Ásgeirssonar. Hópurinn kom í Hvítárnes um kl. 1600 á laugardag og þegar menn höfðu komið sér fyrir í skála og hitað sér kaffi var farið í gönguferð um nágrenni skálans var farið í gönguferð. Gengið var inn á hinn forna Kjalveg sem liggur um hlaðið á Hvítárnesi og honum fylgt fram undir Hrefnubúðir

Dregið hefur verið í Esjuhappdrætti FÍ og SPRON en allir sem gengu á Esjuna í sumar og skráðu nafn sittí gestabók á Þverfellshorni og við Steininn, lentu í pottinum sem nú hefur verið dregið úr.  Hátt í 10 þúsund göngugarpar gengu á Esjuna í sumar en vinsældir Esjunnar hafa aldrei verið meiri. Sparisjóður Reykjavíkur er bakhjarl FÍ í Esjuhlíðum.

Dregið hefur verið í Esjuhappdrætti FÍ og SPRON en allir sem gengu á Esjuna í sumar og skráðu nafn sittí gestabók á Þverfellshorni og við Steininn, lentu í pottinum sem nú hefur verið dregið úr.  Hátt í 10 þúsund göngugarpar gengu á Esjuna í sumar en vinsældir Esjunnar hafa aldrei verið meiri.

Óvissuferð FÍ um síðustu helgi tókst vel. Lagt var af stað í rútu frá Mörkinni 6 og haldið austur fyrir fjall. Þegar komið var austur fyrir Hvolsvöll töldu margir að nú ætti að fara í Þórsmörk.  Svo var þó ekki heldur var ekið niður að Bakka, stigið þar í flugvél og flogið til Vestamannaeyja...

FÍ stendur fyrir sérstakri ferð í Hvítárnes, elsta skála félagsins um næstu helgi. Í skálanum hefur lengi þótt vera reimleiki og verður nú farið í reimleikaferð / draugaferð í Hvítárnes. Að lokinni kvöldvöku og draugasögum verður dregið um hver sefur í draugakojunni....

Ferðafélagið efnir til göngu á Kvígindisfell (783 m) sunnudaginn 28. september.( breytt vegna veðurspár, átti að vera 21. sept) Lagt verður af stað frá Mörkinni 6 kl. 10.30. Kvígindisfell er á mörkum Árnessýslu og Borgarfjarðarsýslu, nálægt Uxahryggjaleið, um klukkustundar akstur frá Reykjavík. Mjög víðsýnt er af fjallinu, en til þessa hefur ekki verið ýkja tíðförult á það.

Laust er í Óvissuferðina þar sem enginn veit hvert verður farið, eða hvort hægt er að komast þangað eða hvort komið verður til baka.

Sunnudaginn 7. septbember er boðið upp á gönguferð á slóðum Laxness með Pétri Ármannssyni arkitekt sem leiðsögumanni.  Gengið verður frá Gljúfrasteini, að Helgufossi og áframt á Grímarsfell, eftir fjallinu og niður aftur að Glúfrasteini.  Á leiðinni eru margir fallegir staðir og útsýni gott af fjallinu, sem og skemmtileg frásögn af ferðum skáldsins um þetta ágæta göngusvæði.

Haustganga Hornstrandafara FÍ verður farin þ. 4. október nk. Að þessu sinni verður farið á Borgarfjarðarsvæðið og gengið í nágrenni Borgarnes – Hafnarfjall eða Hafnardal eða sambland af hvoru tveggja.

Í nótt var bylur í Hrafntinnuskeri og þegar göngufólk vaknaði þar i morgun var allt orðið hvítt í næsta nágrenni skálans. FÍ brýnir fyrir göngufólki að vera vel búið á gönguferðum nú á haustdögum og kanna vel veðurspá áður en haldið er til fjalla.