Fréttir

FÍ býður upp á aukaferð um Laugaveginn 28. júlí, vegna mikillar eftirspurnar. Gengið frá Landmannalaugum til Þórsmerkur um vinsælustu  gönguleið í óbyggðum Íslands. Ferðin er frábrugðin hefðbundinni Ferðafélagsferð að því leyti að gist er fyrstu nóttina í Landmannalaugum og því gefst tími til gönguferðar um svæðið og til baða í heitu laugunum. Á öðrum degi er gengið að Álftavatni en höfð góð áning í Hrafntinnuskeri og síðan eru það Emstrur og Þórsmörk. Sjá myndir úr Laugavegsgöngu

FÍ býður upp á aukaferð um Laugaveginn 28. júlí, vegna mikillar eftirspurnar. Gengið frá Landmannalaugum til Þórsmerkur um vinsælustu  gönguleið í óbyggðum Íslands. Sjá myndir úr Laugavegsgöngu

Esjan alla daga, 5 daga gönguferðir á Esjuna lýkur í kvöld með göngu og grilli að göngu lokinni. Mæting er við bílastæðið við Mógilsá kl. 18.00. Að lokinni göngu mun Þórður fararstjóri draga fram góðgæti á grillið og grilla fyrir þátttakendur í Esjugöngunum þessa vikuna. Sem fyrr eru allir velkomnir og þátttaka ókeypis.

Níu kraftmiklar konur mættu í Esjugöngu í gær og gengu á Þverfellshorn með fararstjórunum Þórði og Fríði. Myndir úr Esjugöngum þessa vikuna má finna á myndabanka FÍ hér á heimasíðunni.

Nú má finna myndir úr ferð FÍ ,,Í fótspor útilegumanna og galdramanna á Ströndum" sem farin var í júlí byrjun. Fararstjóri var Sigríður Lóa Jónsdóttir  

Tímaritið Útivera kemur út relgulega og fjallar um útivist og fjallamennsku á lifandi og skemmtilegan hátt. Útivera.is stendur nú fyrir vefvarpi sem vakið hefur verðskuldaða athygli. Á vefvarpinu er hægt að sjá stutt myndbandsskot úr ferðum, útivistar og fjallaviðburðum. Nýjasta myndskotið er tekið í Ferðafélagsferð, Fossarnir í Djúpárdal, með Páli Ásgeiri sem fararstjóra, sjá www.utivera.is

„Nú er orðið beinlínis aðkallandi að finna leiðinni formlegt nafn. Við munum að Laugavegsnafnið kom á sínum tíma nánast sem gamanmál, en náði síðar flugi og festist við leiðina. Ég leita því að góðu nafni og skora á alla með hugmyndir um að koma þeim á framfæri,“ segir Ólafur Örn.

Gísli Már Gíslason og Þóra Ellen Þórhallsdóttir, prófessorar við Háskóla Íslands og líffræðingar eru fararstjórar í ferð FÍ í Þjórsárver 30. júlí - 6. ágúst. Þóra Ellen og Gísli Már eru bæði sérfræðingar í lífrríki Þjórsárvera og þekkja svæðið betur flestir. Enn eru nokkur sæti laus í þessa einstöku ferð FÍ með þessum frábæru fararstjórum.

Mikil umferð er í Landmannalaugum þessa dagana og skáli FÍ þétt bókaður. Helga Garðarsdóttir skálavörður FÍ segir að umferðin hafi farið vaxandi nú síðustu daga. Mikið sé að gönguhópum að leggja af stað Laugaveginn og eins dagsgestum í styttri gönguferðum.

Esjan alla daga, gönguferðir á Esjuna 14. - 18. júlí hófust í gær. Þátttaka var ágæt en enn er hægt að slást í hópinn og vera með í skemmtilegum heilsubótargöngum. Gangan hefst kl. 18.00 frá bílastæðinu við Mógilsá allla daga og er þátttaka ókeypis. Sjá myndir í myndabanka FÍ.