Fréttir

Fyrsta myndakvöld FÍ eftir sumarið verður miðvikudaginn 10. október.  Þá sýna Gerður Steinþórsdóttir og Leifur Þorsteinsson myndir úr fórum sínum.  Gerður sýnir myndir úr ferð sem farin var í Kringilsárrana fyrir rúmum 50 árum og meðal annars stutta kvikmynd úr ferðinni og kynnir ferðadagbók úr ferðinni og Leifur sýnir myndir úr botni Hvalfjarðar og kynnir nýtt fræðslurit FÍ um gönguleiðir á svæðinu. Aðgangseyrir er sem fyrr kr. 600, innifalið kaffi og meðlæti.

Nú stendur yfir undirbúningsvinna að endurbótum og lagfæringum á elsta skála FÍ, sæluhúsinu í Hvítárnesi. Skálinn liggur undir skemmdum og verður endurbættur frá grunni en lögð áhersla á að varðveita sérstöðu skálans og er það gert í samráði við húsafriðnunarnefnd.

Nú má finna nýjar myndir af skálum FÍ á heimasíðunni. Myndirnar sýna skálana og aðstöðu bæði innan skálanna og næsta umhverfi. Myndirnar tók Árni Tryggvason, hönnuður hjá FÍ. Sjá myndir af skálum á Laugaveginum

í sumar kom út fræðslurit FÍ, Gönguleiðir upp úr botni Hvalfjarðar og er það 14. í röð fræðslurita FÍ.  Í ritinu er lýsingar á gönguleiðum um stórbrotið landsvæði  þar sem fjöll og fossar, skógur og kjarr, jöklar og sandar, koma oft fyrir augum samtímis. Fræðsluritið fæst á skrifstofu FÍ Mörkinni 6 en verður fáanlegt í öllum helstu bókabúðum á næstunni.

Sl sunnudag fóru göngugarpar í skemmtilega gönguferð í frábæru veðri.  Fyrst var ekið að Vatnsskarði. Þar var ökutækið yfirgefið og haldið í átt að Fjallinu - eina. Gengið var um Dyngjuhraun að norðurenda fellsins.  Í leiðinni var stansað við gíghrúguld nokkur þar sem efnistaka hefur lengi farið fram en er nú hætt....

Frá 1. september verður skrifstofa FÍ opinn frá kl 12.00 - 17.00.

Göngugleðin og Haustgangan Ágætu ferðaféalgar og Hornstrandafarar FÍ  !  Þá eru flestir komnir til byggða eftir ferðalög sumarsins og ekki seinna vænna en að reima aftur á sig gönguskóna því við erum farin að huga að gönguferðum haustsins. Við munum hefja Göngugleðina sunnudaginn 2. september

Í sumar kom út fræðsluritið Gönguleiðir upp úr botni Hvalfjarðar. Leifur Þorsteinsson skrifar um gönguleiðir á svæðinu en auk þess er að finna í ritinu fjölmargar myndir og kort.  Fræðsluitið fæst á skrifstofu FÍ og kostar kr. 1900.

Nú er nýlokið framkvæmdum í skála FÍ í Norðurfirði á Ströndum þar sem unnið var að lagfæringum og endurbótum á hlöðunni sem mun nýtast fyrir dagsferðar hópa sem og sem gistipláss. Fóstrahópur skálans undir styrkri stjórn Jóhönnu Gestsdóttur endurnýjaði allt gólf í hlöðunni og má sjá myndir úr vinnuferðinni á myndasíðu FÍ.  Umferð hefur verið mikil í skálann í Norðurfirði í sumar og hefur skálavörðurinn Áslaug Halla Guðmundsdóttir staðið vaktina af mikilli samviskusemi en hún er elsti skálavörður FÍ 78 ára gömul en sjaldan verið sprækari.  Sjá myndir

Skemmtileg dagsferð með FÍ eftir Síldarmannagötum, forn Þjóðleið þegar farið var í síldargöngur yfir Botnsheiði.  Leifur Þorsteinsson höfundur fræðslurits FÍ sem kom út í sumar um gönguleiðir í botni Hvalfjarðar er fararstjóri í gönguferðinni.