Fréttir

Útilíf býður félagsmönnum í FÍ á sérstakt kynningarkvöld nk miðvikudagskvöld kl. 19.00 þar sem kynntar verða nýjar línur frá Cintamani, North Face og fleirum.  Það er tilvalið fyrir félagsmenn FÍ að gera góð kaup í Útilíf og koma svo á myndakvöld FÍ sem hefst kl 20.00.

Á næsta myndakvöldi FÍ 10. októberkynnir Gerður Steinþórsdóttir dagbókina Í náttúrunnar stórbrotna ríki eftir Ingólf Einarsson en Ferðafélagið gaf hana nýlega út.Þar segir frá óbyggðaferð á fjallabílum um Brúaröræfi, eins og í Hvannalindir, Herðubreiðarlindir og Öskju. Sýndar verða ljósmyndir úr ferðinni og stutt kvikmyndarbrot.   Ingólfur ritaði dagbækur frá ferðum sínum í nær tvo áratugi, en ferðin inn á Brúaröræfi er sú eftirminnilegasta að hans sögn. Hann er heiðursfélagi í Hinu íslenska náttúrufræðifélagi. Gerður var yngsti þátttakandinn í óbyggðaferðinni og ritar formála að dagbókinni. Leifur Þorsteinsson sýnir einnig myndir úr botni Hvalfjarðar og kynnir nýtt fræðslurit FÍ - gönguleiðir úr botni Hvalfjarðar.

Félagsvist Ferðafélags Íslands Kæru spilafélagar. Í vetur verður spilað þriðjudagana 16.okt., 20.nóv., 15. jan., 19. feb. og 18.mars.  Næsta félagsvist verður þriðjudaginn 16. október.  Vistin hefst  kl: 19:30.  Spilað verður í Mörkinni 6 – í risinu.  Hámark þátttakenda er 52.  Fyrstir koma – fyrstir fá. Vinsamlega athugið að félagsvistin er ætluð félögum í Ferðafélaginu og gestum þeirra.  Verðlaun verða veitt, kaffi og kökur.  Sérstök verðlaun verða veitt þeim sem flest stig hlýtur samtals á öllum spilakvöldum vetrarins.  Þátttökugjald er 600 kr.  Bannað er að stökkva upp á nef sér, þótt samherja verði á í spilamennskunni.  

Ekið var í þoku og dumbungi austur Nesjavallaveg og staðnæmst við Borgarhóla. Ákveðið var að halda þangað þó nokkuð væri dimmt yfir.  Samkvæmt veðurspá átti að létta til er liði á daginn og gekk það eftir....,

Hin árlega haustganga Hornstrandafara FÍ verður farin laugardaginn 13. október. Allir velkomir. Sjá nánari dagskrá: Myndin er úr einni af Hornstrandaferðum FÍ.

Fyrsta myndakvöld FÍ eftir sumarið verður miðvikudaginn 10. október.  Þá sýna Gerður Steinþórsdóttir og Leifur Þorsteinsson myndir úr fórum sínum.  Gerður sýnir myndir úr ferð sem farin var í Kringilsárrana fyrir rúmum 50 árum og meðal annars stutta kvikmynd úr ferðinni og kynnir ferðadagbók úr ferðinni og Leifur sýnir myndir úr botni Hvalfjarðar og kynnir nýtt fræðslurit FÍ um gönguleiðir á svæðinu. Aðgangseyrir er sem fyrr kr. 600, innifalið kaffi og meðlæti.

Nú stendur yfir undirbúningsvinna að endurbótum og lagfæringum á elsta skála FÍ, sæluhúsinu í Hvítárnesi. Skálinn liggur undir skemmdum og verður endurbættur frá grunni en lögð áhersla á að varðveita sérstöðu skálans og er það gert í samráði við húsafriðnunarnefnd.

Nú má finna nýjar myndir af skálum FÍ á heimasíðunni. Myndirnar sýna skálana og aðstöðu bæði innan skálanna og næsta umhverfi. Myndirnar tók Árni Tryggvason, hönnuður hjá FÍ. Sjá myndir af skálum á Laugaveginum

í sumar kom út fræðslurit FÍ, Gönguleiðir upp úr botni Hvalfjarðar og er það 14. í röð fræðslurita FÍ.  Í ritinu er lýsingar á gönguleiðum um stórbrotið landsvæði  þar sem fjöll og fossar, skógur og kjarr, jöklar og sandar, koma oft fyrir augum samtímis. Fræðsluritið fæst á skrifstofu FÍ Mörkinni 6 en verður fáanlegt í öllum helstu bókabúðum á næstunni.

Sl sunnudag fóru göngugarpar í skemmtilega gönguferð í frábæru veðri.  Fyrst var ekið að Vatnsskarði. Þar var ökutækið yfirgefið og haldið í átt að Fjallinu - eina. Gengið var um Dyngjuhraun að norðurenda fellsins.  Í leiðinni var stansað við gíghrúguld nokkur þar sem efnistaka hefur lengi farið fram en er nú hætt....