Fréttir

Úrleiðaferð bíladeildar FÍ í  Þakgil - Grænafjall um næstu helgi; 7. júlí - laugardagur >> Frá Hvolsvelli kl. 09:30 (úr Reykjavík kl. 08) Ekið austur í Þakgil þangað sem ferðamannaaðstaðan er austan við Miðfell. Svæðið skoðað. Athugað með leiðina upp að Jökulshöfði sem liggur vestan við Miðfellið. Vatnaleiðin farin eins og aðstæður leyfa. Síðdegis ekið vestur með Eyjafjöllum - með viðkomu eftir því sem tími vinnst til. Gist í Þórsmörk.

Fréttapóstur frá FÍ 28. júní. Laust í spennandi ferðir; Sigling niður Brúará, Fimmvörðuháls um helgina, Arnarvatnsheiði, Tindfjöll og Hungurfit. Sjá einnig um sumarferð bíladeildar.

Skáli FÍ í Nýjadal opnaði í gær. Vinnuferð var í skálann í gær og húsið standsett og skálaverðir eru mættir til starfa.  Þá hefur einnig skáli FÍ i Norðurfirði verður opnaður og skálavörður mættur til starfa.

Í gær og í dag hefur snjóað í Hrafntinnuskeri.  Kvennaferð FÍ um Laugaveginn lagði af stað í gær og fékk snjókomu í fangið.  Í dag hefur bætt í snjóinn og því rétt að árétta að ferðamenn séu vel búnir á leið sinni um Laugaveginn.

Í gær og í dag hefur snjóað í Hrafntinnuskeri.  Kvennaferð FÍ um Laugaveginn lagði af stað í gær og fékk snjókomu í fangið.  Í dag hefur bætt í snjóinn og því rétt að árétta að ferðamenn séu vel búnir á leið sinni um Laugaveginn.

Föstudaginn 27. júlí til miðvikudagsins 1. ágúst - Sumarleyfisferð fyrir alla bíla. Fimm gistinætur. Unnt að slást í förina hvaða dag sem er - og hver og einn getur horfið heim á leið þegar hann vill.  Fararstjóri Gísli Ólafur Pétursson. Athugið einnig síðsumarferð bíladieldar fyrir jeppa og haustferð bíladeildar fyrir jeppa.

Komin er út ljóðabók, Á mörkum, eftir Valgarð Egilsson lækni og fráfarandi varaforseta Ferðafélags Íslands. JPV útgáfa gefur bókina út. Félagsmönnum F. Í. gefst færi á að kaupa bókina á tilboðsverði, 30 % lægra verði en útúr bókabúð( verð í bókabúð er 1990 kr.).

Esjudagurinn í gær fór vel fram og veðrið lék við þátttakendur og gesti.  Sjá myndir:Myndirnar tók Smári Jósafatsson fararstjóri miðvikudagsgöngum FÍ og SPRON á Ejsuna.    

Á milli 3 - 400 manns tóku þátt í Jónsmessugöngu FÍ og SPRON á Þverfellshorn.  Dagskráin hófst kl. 20.30. Árni Björnsson þjóðháttarfræðingur talaði um Jónsmessuna og Þjóðdansafélagið sýndi nokkra dansa.  Gönguferðin á Þverfellshorn hófst kl. 21 og voru flestir komnir á toppinn um kl. 23.  Á Þverfellshorni var bálhvasst og var því ekki hægt að kveikja í brennu sem til stóð að gera.  Eftir miðnætti lægði á toppnum en þá voru flestir komnir niður. Fjölmargir tóku því þó rólega og undu sér vel í náttúrufegurðinni í hlíðum Esjunnar á jónsmessunótt.  Enginn sást þó baða sig í dögginni enda menn kannski feimnir við það eftir útskýringar Árna Björnssonar.

Sumarleyfisferðir FÍ eru nú komnar í fullan gang.  Á næstu vikum er á  2 - 3 daga fresti er lagt í 4 -8 daga sumarleyfisferðir um allt land. Óbyggðagönguferðir þar sem gist er skálum eða tjöldum.