Fréttir

Í tilefni af degi umhverfisins 25. apríl ætlar Ferðafélag Íslands að blása til umhverfisviku dagana 25. apríl – 2 maí. Markmið umhverfisviku Ferðafélags Íslands er að vekja fólk til umhugsunar um umhverfismál, stuðla að bættri umgengni við náttúru Íslands og hvetja félaga til að tileinka sér vistvæna lifnaðarhætti.

Landvættaverkefni FÍ hefur algerlega slegið í gegn en í því reynir gríðarlega á afl og anda allra þátttakenda. Þrátt fyrir það fyllist yfirleitt í hópinn á hálftíma og jafnan er margra blaðsíðna biðlisti. Landvættaverkefnið hefur nú farið fram nokkur ár í röð og ef eitthvað er – þá eru vinsældirnar bara að aukast. En hvað er þetta eiginlega og af hverju er áhuginn svona gríðarlegur á þessum Landvættum?

Laugardaginn 27. apríl munu þeir Tómas Grétar Gunnarsson, forstöðumaður Rannsóknaseturs Háskóla Íslands á Suðurlandi, og Gunnar Þór Hallgrímsson, prófessor í dýrafræði við Háskóla Íslands leiða árvissa fuglaskoðunarferð sem í þetta sinn verður á Seltjarnarnesi við Gróttu þar sem farfuglarnir safnast saman á þessum árstíma. Gangan hefst klukkan tíu á laugardag og er tilvalið að nýta sér bílastæðin næst Gróttu.

Árbók Ferðafélags Íslands kemur nú út í nítugasta og annað sinn. Viðfangsefnið að þessu sinni er Mosfellsheiði en það svæði hefur gegnt merkilegu hlutverki í sögu samgangna milli Innnesja og Árnessýslu frá upphafi og lumar á ótal skemmtilegum gönguleiðum, sumum vörðum prýddum eins og forsíða bókarinnar ber vitni um.

Nú um helgina gekk hátt í 100manna hópur á vegum FÍ Landvætta inn í Landmannalaugar á gönguskíðum. Gist var í skála FÍ í Landmannalaugum og þeir allra hörðustu gistu í tjaldi.

Hvað verður um sjóinn þegar það er fjara? Svona er ein af spurningunum sem Vísindavefur Háskóla Íslands hefur svarað en það er ekki nema von að einhver fróðleiksfús spyrji því reginmunur verður á ásýnd og lífinu í fjörunni þegar yfirborð sjávarins hefur lækkað

Um þessar mundir býður Ferðafélag Íslands upp á ferðakynningarkvöld þar sem fararstjórar fara yfir skipulag ferða og sýna myndir. Spennandi ferðir verða kynntar í máli og myndum á skýran og skorinorðan hátt.

„Búrfellsgjá er líklegast ein aðgengilegasta eldstöð í nágrenni höfuðborgarinnar,“ segir Snæbjörn Guðmundsson, jarðfræðingur og vísindamiðlari við Háskóla Íslands. Hann mun leiða göngu með Háskóla Íslands og Ferðafélagi barnanna um Búrfellsgjá að gígnum Búrfelli í lok mars. „Við ætlum að fræðast um eldgos og ýmis jarðfræðileg fyrirbrigði og velta fyrir okkur hvernig ýmis fyrirbæri myndast í náttúrunni.“

Það er mik­il fjöl­breytni í göng­um ­­Ferðafélags Íslands og einn skemmti­leg­asti sprot­inn á mikl­um stofni þess eru hunda­göng­ur sem hafa fengið það fyndna heiti Ekki fara í hund­ana!

Þann 21. febrúar sl. var stofnfundur Konrad Maurer félagsins á Íslandi haldinn að Mörkinni 6, Reykjavík. Fundinn sóttu rúmlega 40 manns sem skráðu sig sem stofnendur félagsins. Aðild að félaginu er öllum opin