Fréttir

Í tilefni af verkefni Skógræktarfélagsins „Líf í lundi“ býður Ferðafélag Íslands upp á gönguferð í Heiðmörk 23. júní kl. 10:30. Lagt verður af stað frá Ferðafélagsreitnum í Heiðmörk sem er merktur sérstaklega og er við bílastæði ofarlega í Heiðmörk. Ekið er sem leið liggur fram hjá Rauðhólum og framhjá Elliðavatni og áfram ca. 3 km að bílastæðinu við F.Í. reitinn.

Um síðustu helgi héldu þáttakendur í fjallaverkefninu Alla leið á Hvannadalshnúk í góðu veðri ásamt fararstjórum og félögum úr FÍ Ung, alls 64 manns.

Ein allra vinsælasta ganga Ferðafélags barnanna ár hvert er skordýraskoðun í Elliðaárdal og nú stefnir félagið enn á ný með Háskóla Íslands í þessa árvissu fróðleiksferð. Eins og alltaf er þátttaka alveg ókeypis. Þrátt fyrir að margir hafi ímugust á skordýrum þá er alveg augljóst á vinsældunum að mörgum þykja þau fögur og enn fleiri eru spenntir að skoða þau í návígi og fá gagnlegar upplýsingar um þessi mögnuðu kvikyndi frá vísindamönnum Háskóla Íslands.

Rúmlega eitt hundrað þátttakendur í Landvættaverkefni Ferðafélags Íslands luku keppni í mjög vel heppnaðri sextíu kílómetra Bláalónsþraut á fjallahjólum um liðna helgi og hafa þar með lokið helmingi þeirra þrauta sem heyra til Landvættaáskoruninnar.

Það er fátt sem jafnast á við mikilfengleika ysta hluta Tröllaskagans. Fjölbreytnin þar er mikil, há og tignarleg fjöll, hamraborgir, fjallaskörð, grösugir dalir, dalverpi og skálar með sjaldgæfum gróðri. Dýra- og fuglalíf er mikið þar sem margar leiðir liggja nálægt sjó. Höfundur ritsins er Björn Z. Ásgrímsson. Hann hefur stundað leiðsögn á utanverðum Tröllaskaga um árabil, þekkir svæðið vel frá unga aldri í gönguferðum, við smalamennsku og á skíðum.

Allir krakkar og fjölskyldur þeirra eru boðin hjartanlega velkomin í afmælisfjallgöngu Ferðafélags barnanna fimmtudaginn 13. júní kl. 19 á Helgafell í Hafnarfirði. Ingó veðurguð ætlar að koma með gítarinn og halda uppi fjörinu og Fjallakofinn sem jafnframt fagnar 15 ára afmæli ætlar að gefa öllum duglegum krökkum afmælisglaðning. Þetta verður alvöru afmælisveisla og eru allir vinir Ferðafélags barnanna hjartanlega velkomnir!

Nú um helgina verða komnir skálaverðir í alla skála FÍ nema Baldvinsskála á Fimmvörðuhálsi en þar verða komnir skálaverðir 15. júní.

Mjög marga dreymir um að komast í friðlandið á Hornströndum en það tilheyrir örfáum stöðum á jörðinni þar sem unnt er að mæta sögunni innan um rústir, tóftir og gömul hús en líka að sjá mögnuð víðerni og vera á blettum sem gefa þá mynd að þú sért fyrsta manneskjan til að standa nákvæmlega þar sem iljar þínar eru. Þetta er líklega eini staðurinn á Íslandi þar sem þú getur horfst í augu við heimskautaref af tveggja metra færi og hann lætur sér fátt um finnast enda á hann landið eins og hann gerði áður en maðurinn kom hingað fyrst.

Þótt mörgum sé hlýtt til Ferðafélagsins þá eru ekki jafnmargir sem telja félagið hreinlega lífgjafa sinn. En þannig er það nú bara í tilviki Reynis. Fyrir hartnær tveimur áratugum var hann þannig staddur að líkurnar til langlífis voru hartnær engar.

„Markmiðið með Ferðafélagi barnanna hefur ávallt verið að skapa skemmtilegan vettvang fyrir börn og fjölskyldur þeirra til að njóta útiveru, takast á við nýjar og spennandi áskoranir og hafa einafaldlega gaman af því að leika sér úti.“