Fréttir

Ratleikurinn í Heiðmörk hefur staðið allan ársins hring frá árinu 2012. Við bjóðum öllum þeim sem vilja hjálpa okkur að taka til hendinni n.k. laugardag frá kl. 13:00. Nú þarf að reka niður staura, bora, lakka og dytta að ýmsu í fögru umhverfi.

Síðustu lýðheilsugöngurnar fara fram miðvikudaginn 26. september kl. 18:00 um land allt. Þeim hefur verið býsna vel tekið og eru göngugarparnir taldir í þúsundum. Á þessum síðasta göngudegi verður m.a. boðið upp á göngu um Bessastaði og Skansinn í Garðabæ, gljúfrið við Giljá á vegum Blönduóssbæjar, gengið verður frá Skjálftasetrinu á Kópaskeri, farið um gömlu Eyjafjarðarbrýrnar að austanverðu og gengið upp gömlu Kambana.

Það var Ferðafélagi barnanna mikill heiður að afhenda stórum hópi duglegra og kátra barna viðurkenningarskjal sem Fjallagarpar Ferðafélags barnanna að aflokinni Esjugöngu um helgina. Það hefur verið ótrúlega gaman að ganga með þessum brosmildu og kátu krökkum á sex fjöll og við hlökkum til að hitta þau og aðra krakka aftur í vor þegar við höldum verkefninu áfram!

Námskeiðið Vettvangshjálp í óbyggðum / Wilderness First Responder (WFR) er 76 klst. sérhæft námskeið í vettvangshjálp, ætlað þeim sem starfa fjarri almennri bráðaþjónustu og gætu verið í þeirri aðstöðu að bera ábyrgð á hópi eða sjúklingi. Af þeim sökum hentar námskeiðið til dæmis vel þeim sem eru leiðsögumenn í óbyggðum.

Ferðafélag Íslands og Rauði krossinn bjóða upp á fjórar göngur í október, í og við Reykjavík þar sem nýir Íslendingar eru boðnir velkomnir.

Það styttist í vetraraðstæður á hálendinu og verið er að vinna að lokunum skála á Laugaveginum. Langidalur í Þórsmörk verður opinn til 1. október en opið verður áfram í Landmannalaugum.

Tólf manna vinnu­hóp­ur á veg­um Ferðafé­lags Íslands fór í vinnu- og frá­gangs­ferð í Hrafntinnu­sker um helg­ina. Farið var með efni og aðföng á fimm jepp­um og tveim­ur vöru­bíl­um með krana. Einnig voru grafa og haugsuga með í för. Mun fleiri komu að und­ir­bún­ingi ferðar­inn­ar með margs kon­ar efn­isút­veg­un og snún­ing­um.

Gengið var í öllum landshlutum í Lýðheilsugöngum FÍ sl. miðvikudag og verðum þeim göngum haldið áfram alla miðvikudaga nú í september. „Þátttakan var framúrskarandi góð sl. miðvikudag, við áætlum að um 3 þúsund manns hafi tekið þátt í göngunum víðsvegar um landið,“ segir Ólöf Sívertsen verkefnastjóri Lýðheilsugangna FÍ.

Hver árstíð hefur sinn sjarma. Nú þegar sumri fer að halla tekur haustið við með sínu einstaka litrófi.  Við hvetjum fólk til að reima á sig skóna og anda að sér fersku fjallalofti í haustdýrðinni.  En um leið hvetjum við alla til að fylgjast vel með veðurspám og kynna sér færð á vegum og sérstaklega ef þarf að fara yfir ár og vöð.

Gengið verður í öllum landslutum í september í Lýðheilsugöngum FÍ. Um er að ræða ókeypis göngur vítt og breitt um landið.