Fréttir

Ólöf Kristín Sívertsen lýðheilsufræðingur og kennari var kjörin nýr forseti Ferðafélags Íslands á fjölmennum aðalfundi þess sem haldinn var í gærkvöldi. Nýir fulltrúar í stjórn FÍ eru þær Salvör Nordal og Elín Björk Jónasdóttir.

Aðalfundur Ferðafélags Íslands verður haldinn fimmtudaginn 16. mars kl 20 í sal FÍ Mörkinni 6. Hefðbundin aðalfundarstörf Stjórnin.

Ferðafélag Íslands og Landvernd standa saman að fundi fimmtudaginn 16 febrúar. Þar verður fjallað um ferðafrelsi og ábyrgðina sem því fylgir.

Nú er orðið fullbókað í fjölmörg fjallavekefni FÍ, FI Alla leið, FÍ Fótfrá, FÍ Léttfeta og FÍ Þraustseigan. Enn eru laus pláss í FÍ Fyrsta skrefið og FÍ Kvennakraft. Sjá nánar um öll fjallaverkefni FÍ hér

Ferðafélag Íslands sendir félagsmönnum og landsmönnum öllum bestu óskir um gleðileg jól og gott farsælt komandi ár.

Ferðafélag Íslands býður upp á fjölmörg fjallaverkefni og útivistarhópa sem snúast um reglulegar fjallgöngur, heilsubót og góðan félagsskap. Meginmarkmið þessara hópa er útivera, náttúruupplifun, gleði og góður félagsskapur. Eins og í öllum ferðum Ferðafélags Íslands er mikil áhersla lögð á fræðslu og öryggi á fjöllum. Flest verkefnin hefjast í upphafi árs og standa ýmist í nokkra mánuði, hálft ár eða heilt ár. Fjallaverkefni FÍ 2023 eru komin í kynningu hér á heimasíðunni og bókanir hafnar.

Gjafabréf Ferðafélags Íslands er tilvalin jólagjöf ferðafélaga og er í senn ávísun að ævintýri, upplifun, góðum félagsskap og bættri heilsu.

Ferðafélag Íslands stendur fyrir afmælisgöngu sunnudaginn 27. nóvember í tilefni af 95 ára afmælis félagsins. Gengið verður á Stóra - Hrút í Geldingadölum. Gangan hefst kl. 10 að morgni frá bílastæðum norðan Íslólfsskála. Sérsakur gestur í göngunni verður Kristín Jónsdóttir, jarðeðlisfræðingur á Veðurstofu Íslands sem fræðir þátttakendur um jarðfræði svæðisins. Þátttaka er ókeypis - öll velkomin. Mætið vel útbúin til gönguferðar, í útivistarfatnaði og í góðum skóm, með bakpoka og nesti til göngunnar.

Ferðafélag Akureyrar (FFA) setti upp hringsjá við Drekagil austan Dyngjufjalla í september 2022. Hringsjáin var gjöf til FFA frá Ferðafélagi Íslands í tilefni af 80 ára afmæli FFA vorið 2016. Gönguleiðanefnd FFA sá um gerð og uppsetningu hringsjárinnar.

Nú er búið að loka öllum skálum FÍ fyrir veturinn nema Landmannalaugum. Skálaverðir Víkingur og Salka verða að störfum fram yfir næstu helgi. Töluvert umferð af dagsdvalargestum er í Laugum.