FÍ 100 ára 2027
Ferðafélag Íslands fagnar 100 ára afmæli félagsins á næsta ári, árið 2027 en félagið var stofnað 27. nóvember 1927. Afmælisnefnd hefur verið að störfum frá apríl 2026 og unnið að undirbúningi fyrir afmælisárið. Lagt er upp með að vinna með allt afmælisárið 2027 og það verði einn viðburður í hverjum mánuði, auk þess sem ferðir og skálar og starfsemin almennt verði tengd afmælisárinu. Afmælisnefnd vill nú leita til félagsfólks eftir góðum hugmyndum að viðburðum á afmælisárinu. Hægt er að senda tillögu á netfangið afmaeli@fi.is
Á meðal þess sem gert er fyrir amælisárið er hönnun á afmælisútgáfu á merki félagsins, líkt og m.a. var gert á 75 ára afmæli félagsins. Í afmælisútgáfunni er unnið með eldri útgáfu af merki félagisns og það tengt við 100 ár. Með því að ferðast 50 ár aftur í tímann með nýrri / gamalli útgáfu af merki félagsins er verið að tengja við sögu félagsins og öll þau góðu og gömlu gildi sem félagið hefur starfað eftir í að verða 100 ár og hafa lítið breyst í áherslum félagisns. Þessu öllu verða gerð góð skil á afmælisárinu.
