Nú styttist í að ferðaáætlun FÍ 2022 birtist á heimasíðu félagsins í allri sinni dýrð. Ferðaáætlunin er stútfull af brakandi ferskum ferðum þar sem allir eiga finna eitthvað við sitt hæfi; fjallaskíðaferðir og námskeið, sumarleyfisferðir, helgarferðir, dagsferðir, ferðir með Ferðafélagi barnanna, FÍ Ung, samstarfsferðir með HÍ og Landvernd og þannig mætti lengi telja. Stefnt er að því að ferðaáætlun FÍ birtist á heimasíðunni 2 desember nk og verður þá um leið hægt að skrá sig í ferðir á heimasíðunni.

Ferðafélag Íslands hefur á undanförnum árum sett upp upplýsingaskilti á fjölförnum vinsælum gönguleiðum, meðal annars á Laugaveginum, Fimmvörðuhálsi, Esjunni, Vífilsfelli, Öræfajökli og nú við Snæfellsjökul.

Fyrsta myndakvöld vetrarins verður haldið miðvikudaginn 27.október kl. 20 í sal FÍ Mörkinni 6. Björn Rúríksson rithöfundur, ljósmyndari og flugmaður fjallar um Snæfellsnes og náttúru landshlutans.

Laugardaginn 16. október efnir Ferðafélag Íslands til jarðfræðiferðar í Búrfellsgjá í samstarfi við Háskóla Íslands.

10-12 september s.l var efnt til kvennaferðar á vegum Ferðafélags Íslands í Þórsmörk. Hópurinn var undir leiðsögn Eyrúnar Viktorsdóttur og Völu Húnboga. Kvennaferðir njóta mikilla vinsælda um þessar mundir og var verulega glatt á hjalla í Skagfjörðsskála í Langadal þar sem Ferðafélagsfólk hefur skemmt sér frá 1954.

"Við sóttum veikan einstakling úr gönguhópi á Hlöðufelli í dag. Mér skilst að hópurinn sé á vegum FÍ. Mér finnst vert að hrósa þeim sem voru á vettvangi. Undirbúningurinn hefur greinilega verið góður því í hópnum var VHF talstöð með neyðarrás 16, auk einhverskonar varsekks sem hinn veiki var í þegar við komum."

Á degi íslenskrar náttúru 16. september. FÍ og Skógræktarfélag Reykjavíkur.

Um þessar mundir er undirbúningur næsta árs að hefjast, þar á meðal skipulag ferða.

Skálum Ferðafélagsins á Laugavegi verður lokað um miðjan september.

Það má svo sannarlega enn njóta tíma í Friðlandinu en um liðna helgi naut hópur á vegum Ferðafélags Íslands þess að upplifa svæðið í göngu- og jógaferð.

Varasamar aðstæður eru á Fimmvörðuhálsi og ástæða til varúðar.

Ferðafélag Íslands leggur sig fram um að fylgja Covid reglum í öllu sínu starfi. Eftir að nýjar reglur voru kynntar sl. föstudag hefur skálasvæðum verið skipt upp í hólf og umferð og notkun á salerni, í eldhús og matsel stýrð eftir hópum og hólfum. Merkingar og spritt eiga að vera áberandi á öllum skálasvæðum og gestir eru minntir á að passa vel upp á persónubundnar sóttvarnir og tryggja fjarlægðarmörk eða að örðum kosti nota grímur.

Út er komið kort af Geldingadölum sem sýnir gosstöðvarnar og umhverfi þeirra ásamt helstu örnefnum. Kortið er gefið út af Ferðafélagi Íslands og byggir á nýjustu gögnum, m.a. loftmyndum af hrauninu.

Dalastígur að Fjallabaki er tuttugasta og fyrsta fræðslurit FÍ

Það er fátt betra en góð gönguferð um okkar fallega land

,,Þetta var frábær ferð sem tókst mjög vel í alla staði með 40 flottum konum,"

Félagsmönnum Ferðafélagi Íslands fjölgaði um 2000 á síðasta ári.

Anna Dóra Sæþórsdóttir var kjörinn forseti FÍ á aðalfundi á þriðjudag.

Víða eru framkvæmdir í gangi við skála Ferðafélagsins til þess að undirbúa sumarið.

Vegna tilslakana á covid hefst verkefnið: Með fróðleik í fararnesti á ný. Þetta er samstarf Háskóla Íslands og Ferðafélags barnanna og fyrsti viðburðurinn er í Elliðaárdal miðvikudaginn 9. júní kl. 18.

Verður haldinn þriðjudaginn 8. júní kl. 20 í sal félagsins Mörkinni 6.

Fyrirhuguð er ganga 29. maí sem helguð er nýsköpun í fiskvinnslu og útgerð um gömlu höfnina í Reykjavík.

Um næstu helgi mun mikill fjöldi fólks ganga á hæstu tinda landsins á vegum Ferðafélags Íslands.

Hinar árlegu morgungöngur Ferðafélags Íslands hefjast á mánudag kl. 06.00.

Viðfangsefni árbókar 2021 er gönguleiðin frá Landmannalaugum til Þórsmerkur og áfram suður yfir Fimmvörðuháls ásamt aðliggjandi svæðum.

Kynningarfundir fyrir ferðir sumarsins eru að hefjast.

Ókeypis námskeið fyrir félaga í Ferðafélagi Íslands. Loftslagsvernd í verki, glænýtt 6 – 8 vikna námskeið á vegum Landverndar, ætlað einstaklingum sem vilja prófa sig áfram og leggja sitt af mörkum í þágu loftslagsins. Námskeiðið er valdeflandi ferli sem miðar að því að styðja þátttakendur til að finna eigin leiðir til að draga úr kolefnissporinu. Námskeiðið er unnið í litlum hópum og með gagnvirkri þátttöku í Vefskóla Landverndar. Námskeiðið býðst endurgjaldslaust fyrir þig kæri félagi í Ferðafélagi Íslands, sama hvar þú ert á landinu.

Skipulagðar göngur fyrir eldri og heldri félaga FÍ hefjast á ný þann 19. apríl nk. undir stjórn Ólafar Sigurðardóttur.

Um helgina hefst á ný verkefni á vegum FÍ sem heitir Hjól og fjall. Verkefnið er fullskipað áköfum hjólagörpum sem geta varla beðið.

Æfinga- og útivistarverkefni fyrir konur

Göngu- og skoðunarferð að gosstöðvum í Geldingadölum getu tekið allt að 3 - 8 klst allt eftir því hversu lengi er stoppað, fjölda göngufólks og veðri. Vegalengdin er frá 7 km og getur orðið allt að 11 - 12 km eftir því hvar hægt er að leggja. Ferðafélag Íslands hvetur alla sem hyggjast fara í skoðunarferð að gosstöðvunum að huga vel að búnaði og veðri og fylgja öllum leiðbeiningum almannavarnardeildar Ríkislögreglustjóra.

Ferðafé­lag Íslands gaf út sína fyrstu ár­bók árið 1928. Árbók­in hef­ur síðan komið út ár­lega í ólit­inni röð og er ein­stæður bóka­flokk­ur um land og nátt­úru. Hver bók fjall­ar venju­lega um til­tekið af­markað svæði á land­inu og nær efni þeirra nú um landið allt, víða í annað eða jafn­vel þriðja sinn. Árbæk­urn­ar eru því í raun al­tæk Íslands­lýs­ing og gefa í senn ferðafólki góðar ferðaupp­lýs­ing­ar ásamt því að veita inn­sýn í sögu og þjóðleg­an fróðleik.

Ferðafélag Íslands hefur unnið áhættumat fyrir vetrarfjallamennsku. Góður undirbúningur, réttur búnaður, ferðaáætlun, varaplan, ferðast í hóp eru á meðal mikilvægra atriða sem þarf að hafa í huga þegar ferðast er til fjalla að vetrarlagi.

Nýtt tölublað af útivistartímaritinu Úti er komið í búðir

Fjöl­marg­ir ganga á hæstu tinda Öræfa­jök­uls á vor­dög­um. Al­geng­ast er að ganga á jök­ul­inn í maí þegar dag­arn­ir eru lang­ir og bjart­ir, veðrið orðið betra og oft snjór í sprung­um. Jökla­göng­ur á hæstu tinda Öræfa­jök­uls geta tekið 12-15 klst. og því er mik­il­vægt að vera í góðu lík­am­legu formi og með all­an rétt­an búnað til ferðar­inn­ar.

Vegna breytinga á sóttvarnarreglum og hertra samkomutakmarkanna sem tóku gildi á miðnætti breytir Ferðafélag Íslands starfsemi sinni sem hér segir. Allir skálar félagsins eru lokaðir til 15. apríl. Öllum námskeiðum,t.d. gps námskeiðum og vetrarfjallanámskeiðum er frestað og öllum almennum ferðum er frestað eða aflýst nema hægt sé að tryggja 9 + 1.

Rannsóknir sýna að hreyfing hefur mikil og góð áhrif á líkamlega og andlega heilsu. Flest öll finnum við hvað það gerir okkur gott að fara út og hreyfa okkur. Það er manneskjum eðlislægt að vera úti og njóta útivistar, anda að sér fersku lofti. Með reglulegri útivist bætum við líkamlegt form og aukum andlega vellíðan. Sýnt hefur verið fram á að félagslegur stuðningur er mjög mikilvægur. Hringja í vin, vera í hóp og fá stuðning frá öðrum getur gert gæfumuninn fyrir suma til að fara út og hreyfa sig.

Aðalfundi Ferðafélags Íslands sem vera átti í mars er frestað vegna sóttvarnarreglna og fjöldatakmarkana í samkomuhaldi. Fundurinn verður auglýstur með lögbundnum fyrirvara um leið slakað verður á sóttvarnarreglum. Stjórn FÍ.

Mosfellsheiði er víðlent heiðarflæmi á suðvesturhorni landsins. Má með nokkurri einföldun segja að Þingvallavegur og Suðurlandsvegur rammi heiðina inn að norðan- og sunnanverðu, hún nái að íbúðarbyggð í Mosfellsbæ að vestanverðu og langleiðina að Þingvallavatni í austri. Heiðin er innan lögsögumarka sex sveitarfélaga. Þau eru Mosfellsbær, Reykjavíkurborg, Bláskógabyggð, Grímsnes- og Grafningshreppur, Sveitarfélagið Ölfus og Kópavogsbær.

Esjan er bæjarfjall Reykjavíkur og blasir við borgarbúum handan Kollafjarðar. Á undanförnum árum hefur Esjan orðið einn vinsælasti útivistarstaður borgarbúa og nú stunda tugþúsundir fjallgöngur og útivist i fjallinu á hverju ári.

Nú nýlega luku nokkrir FÍ fararstjórar námskeiði sem heitir jöklar 1 og gefur réttindi til að leiða hópa í jöklagöngu. Það var sérstaklega ánægjulegt að þetta voru allt saman konur og bætast þær nú í hóp jöklafararstjóra félagsins.

John Snorri Sigurjónsson fjallgöngumaður var félagi í Ferðafélagi Íslands og hafði á undanförnum árum tekið að sér fjölmörg verkefni fyrir félagið; aðallega sem fararstjóri en einnig setið í ferðanefnd og haldið kynningar og fyrirlestra á vegum félagsins. John Snorri var umsjónarmaður FÍ Ung – Ferðafélags unga fólksins og leiddi þar ferðir félagsins. Einnig tók John Snorri þátt í starfi Ferðafélags barnanna og var fararstjóri í Laugavegsferðum með FB en var auk þess fararstjóri í ferðum FÍ , t.d. á Hvannadalshnúk og Heklu.

Víða um land má finna góðar gönguleiðir. Fjölmörg sveitarfélög hafa unnið frábært starf í uppbyggingu göngu- og útivistarsvæða og stikað og merkt gönguleiðir í sinni byggð. Eins hafa ferðafélög og einkaaðilar lagt sitt af mörkum og komið að uppbyggingu útivistarsvæða. Rannsóknir sýna að vel skipulögð og aðgengileg útivistarsvæði eru mikilvægur hluti af lífsgæðum íbúa. Ferðafélag Íslands og Valtitor hafa lengi átt samstarf og staðið fyrir uppsetningu á gönguleiðaskiltum á fjölförnum gönguleiðum bæði í byggð og óbyggðum. Það þarf þó ekki alltaf að leita langt yfir skammt og bestu gönguferðirnar eru oft heiman frá og í nærumhverfinu. Þegar ferðast er um landið má finna góðar gönguleiðir þar sem upphafsstaður er aðgengilegur í byggð eða við þéttbýli.

Skálaverðir Ferðafélags Íslands eru mættir í Landmannalaugar og verða fram yfir páska. Vegna Covid gilda strangar relgur um fjölda gesta í skálanum, skiptingu í gistirými, notkun á eldhúsi og salerni. Bóka þarf í skálann fyrirfram á skrifstofu FÍ.

Vegna mikillar eftirspurnar hefur Ferðafélag Íslands nú bætt við fleiri ferðum með Ferðafélagi barnanna sem er hluti af starfi FÍ. Bætt er við aukaferðum um Laugaveginn og einni ferð í Norðurfjörð þar sem gist verður að Valgeirsstöðum

Ferðafélag Íslands og Fjallakofinn hafa gert með sér nýjan samning til þriggja ára. Páll Guðmundsson framkvæmdastjóri FÍ og Halldór Hreinsson framkvæmdastjóri Fjallakofans skrifuðu undir samninginn í Fjallakofanum í dag. ,,Þetta er verðmætur samningur fyrir báða aðila. Við viljum veita félögum í FÍ, fararstjórum og öllum þátttakendum í hinum fjölmörgu verkefnum Ferðafélagsins besta útivistarbúnað sem völ er á og um leið á góðum kjörum. Þetta hefur verið ánægjulegt samstarf sl. átta ár, " sagði Halldór Hreinsson við undirskrift samningsins.

Ferðafélag Íslands hefur sett upp nýtt fjallaskíðanámskeið vegna mikillar eftirspurnar. Um er að ræða byrjendanámskeið í fjallaskíðamennsku sem skiptist í fyrirlestur og verklega kennslu.

Vegna mikillar eftirspurnar þá erum við að bæta við nýjum ferðum og verkefnum. Meðal annars leiðangri yfir Vatnajökul með Vilborgu Örnu pólfara, ókeypis fræðslunámskeiði fyrir félagsmenn FÍ um notkun brodda og ísaxar, kynningarnámskeiði um ferðaskíðamennsku og styttri ferðir á ferðagönguskíðum ( utanbrautarskíðum ) Einnig verða nýjar sumarleyfisferðir kynntar á næstunni en fullbókað er í fjölmargar ferðir sumarsins.