Árbók Ferðafélags Íslands 2026 ber heitið KJÓSARSÝSLA og er nr. 99 í þessari merku ritröð. Kjósarsýsla náði yfir þrjú sveitarfélög sem voru Mosfellshreppur, Kjalarneshreppur og Kjósarhreppur.

Sumarliði er í hópi þeirra sem hafa algerlega fallið fyrir Hornströndum, enda hefur hann gengið ítrekað um friðlandið og alltaf með Jóni Erni Guðbjartssyni, fararstjóra FÍ, sem hefur gengið þar reglulega frá árinu 1999.

Ferðafélag Íslands og Mosfellsbær - heilsueflandi samfélag , standa fyrir fjölskyldugöngum á fellin í Mosfellsbæ næstu þriðjudaga. Þann 5 maí nk verður gengið að Helgufossi og að rótum Grímannsfells. þátttaka ókeypis, verið öll velkomin. Mætið vel búin, í góðum gönguskóm og hlífðarfatnaði.

Það er eitthvað sérstakt við fjöruna á Íslandi, ekki síst þegar vorið er að hrekja langan vetur út af almanakinu. Hafið er vissulega þarna eins og það var í allan vetur, en það andar einhvern veginn allt öðruvísi, fuglarnir eru líka að snúa heim — og fjaran er eiginlega bjargvættur þeirra. Þeir eru gjarnan út um allt í sjávarmálinu að stinga niður nefi í leit að æti. Undir yfirborðinu iðar nefnilega allt af lífi sem flestir ganga framhjá án þess að taka eftir. 

Landvernd og fjölmörg náttúruverndarsamtök landsins standa fyrir Grænu göngunni og Hálendishátíðinni þann 23 apríl nk. Ferðafélag Íslands tekur þátt og hvetur félagsfólk og alla náttúruunnendur til að taka þátt. Græna gangan byrjar við Arnarhól kl. 13:30, 23. apríl - þar verður gengið til stuðnings íslenskrar náttúru. Hálendishátíðin í Iðnó er geggjaður tónlistarviðburður sem er haldinn samdægurs um kvöldið. Frábærir listamenn stíga á stokk; Gugusar, Daði Freyr, Kusk og óviti, Lúpína og Biggi Veira - þetta verður sannkölluð vorhátíð!

Ferðafélag Íslands og Mosfellsbær - heilsueflandi samfélag, standa fyrir gönguferðum næstu þriðjudaga, þegar farið er í léttar fjallgöngur á fellin í Mosfellsbæ Þriðjudaginn 21 apríl er gengið á Reykjafell kl 17.30. Mæting við Geirarétt. Þátttaka er ókeypis - verið öll velkomin. Mætið í góðum gönguskóm og útivistarfatnaði og gott er að hafa nesti í bakpoka.

Mosfellsbær og Ferðafélag Íslands standa fyrir fjölskyldugöngum á fellin í Mosfellsbæ alla þriðjudaga í apríl og fyrstu þrjá þriðjudagana í maí.

Ferðafélag Íslands fagnar 100 ára afmæli félagsins á næsta ári, árið 2027 en félagið var stofnað 27. nóvember 1927. Afmælisnefnd hefur verið að störfum frá apríl 2026 og unnið að undirbúningi fyrir afmælisárið. Lagt er upp með að vinna með allt afmælisárið 2027 og það verði einn viðburður í hverjum mánuði, auk þess sem ferðir og skálar og starfsemin almennt verði tengd afmælisárinu. Afmælisnefnd vill nú leita til félagsfólks eftir góðum hugmyndum að viðburðum á afmælisárinu. Hægt er að senda tillögu á netfangið afmaeli@fi.is

Í ársskýrslu Ferðafélags Íslands fyrir árið 2025, sem Ólöf Kristín Sívertsen forseti FÍ flutti á aðalfundi 18. mars sl., kom fram að starfsemi félagsins er mjög umfangsmikil og mikið og gott starf unnið á öllum kjörsviðum félagsins. Ólöf Kristín þakkaði öllum þeim fjölmörgu sem hafa lagt starfi Ferðafélagsins lið með einum eða öðrum hætti. Sérstaklega þakkaði hún öllum sjálfboðaliðum sem í grunninn hafa með vinnu sinni til áratuga, byggt upp sterka stöðu félagsins. Ólöf kom víða við í ársskýrslu félagsins. Meðal annars greindi hún frá stöðu mála varðandi nýjan Skagfjörðsskála og sagði frá lóðaleigusamningum sem gerðir hafa verið fyrir lóðir í Langadal, Húsadal og Emstrum og undirritaðir af Rangárþingi eystra, Forsætisráðuneytinu og FÍ nú fyrir skömmu. Lóðaleigusamningar og nýr Skagfjörðsskáli ,,Stærsta verkefni félagsins um þessar mundir er endurnýjun og endurbygging Skagfjörðsskála í Langadal. Vinna við undirbúning verkefnisins hefur staðið síðastliðin ár en stjórn ákvað að ganga ekki frá samningum um byggingu skálans fyrr en lóðaleigusamningar væru í höfn. Því er mér það bæði ljúft og skylt að upplýsa ykkur um að núna í febrúar sl. var loks gengið frá og skrifað undir lóðaleigusamninga milli Ferðafélagsins, Rangárþings eystra og Forsætisráðuneytisins. Samningarnir taka til allra þeirra lóða sem Ferðafélagið hefur haft til umráða í Langadal, Húsadal og Emstrum og óhætt er að fullyrða að þetta sé einn af stóru sigrunum í sögu félagsins. Við getum sannarlega verið stolt og þakklát fyrir það að vera treyst fyrir þessum helstu perlum íslenskrar náttúru“, sagði Ólöf og hélt áfram: ,,Þessu til viðbótar þá urðu þau miklu tíðindi í síðustu viku að undirritaður var annar mjög mikilvægur samningur, samningur við SG hús um uppbyggingu nýs Skagfjörðsskála. Samkvæmt verkáætlun er stefnt að því að nýi skálinn verði vígður þann 17. júní 2027 eða á 100 ára afmælisári félagsins. Skálinn verður byggður á grunni þess gamla sem verður rifinn. Nýi skálinn verður með sama útliti og sá eldri en innra skipulag hefur verið uppfært með betra eldhúsi, stærri matsal, meira útsýni og salerni í skálanum. Ef allt gengur upp varðandi leyfismál og samninga verður hafist handa við að rífa gamla skálann núna í haust enda verður þá bygging nýs skála vel á veg komin í byggð. Nýr skáli verður fluttur í sex einingum í Langadal og einingarnar settar saman á skömmum tíma. Þannig næst að loka skálanum en veturinn verður síðan nýttur til vinnu innandyra til að hann verði tilbúinn sumarið 2027, " sagði Ólöf Krístín þegar hún fór yfir ársskýrslu félagsins á aðalfundinum .

Á aðalfundi Ferðafélags Íslands í gærkvöldi var Ólöf Kristín Sívertsen endurkjörin forseti FÍ til næstu þriggja ára. Auk Ólafar voru Salvör Nordal og Tómas Guðbjartsson endurkjörin í stjórn til þriggja ára. Í skýrslu stjórnar sem forseti flutti kom fram að starf Ferðafélags Íslands á árinu 2025 gekk mjög vel og var umfangsmikið á öllum kjörsviðum félagsins. ,, Hlutverk félagsins er að kynna land og náttúru fyrir landsmönnum, greiða götu þeirra og efla lýðheilsu á allan hátt. Það gerum við meðal annars með því að byggja upp fjallaskála og gönguleiðir, standa fyrir fræðslu- og útgáfustarfi, merkingum, vinna að öryggismálum ferðafólks og stuðla að náttúruvernd, “ segir Ólöf Kristín Sívertsen.

Mánudaginn 16 mars kl 20 mun Haukur Eggertsson halda fyrirlestur um gagnlegar upplýsingar á internetinu við undirbúning ferða. Fyrirlesturinn verður í sal FÍ Mörkinni 6.

Aðalfundur Ferðafélags Íslands verður haldinn miðvikudaginn 18. mars kl. 20 í sal FÍ Mörkinni 6.

Fimmtudaginn 11. febrúar kl. 20 verður Árni Einarsson líf- og fornleifafræðingur með erindi í sal Ferðafélags Íslands, í Mörkinni 6.

Vetrarstarf Ferðafélags Íslands er komið af stað og fyrstu ferðir ársins hafa þegar farið fram með góðri þátttöku.   Fyrstu ferðir ársins voru Prjónagangan og Borgargangan, þar sem 94 manns tóku þátt í Borgargöngunni með Pétri Ármanni Ár...

Fræðslukvöld Ferðafélags Íslands verður haldið miðvikudaginn 21. janúar kl. 20 í Risinu Mörkinni 6.

Ferðafélag Íslands sendir öllum ferðafélögum sem og landsmönnum öllum, sjálfboðaliðum, fararstjórum, skálavörðum, samstarfsaðilum, vinum og velunnurum bestu óskir um gleðlileg jól og farsælt komandi ár. 

Ferðafélag Íslands verður 99 ára á næsta ári og ferðirnar í boði þessa rótgróna félags eldast býsna vel eins og félagið sjálft. Það er óvenjumikil gróska í starfi FÍ þessa dagana og fáir sjá breytingarnar jafnskýrt og Tómas Guðbjartsson

„Þvílíkt útýni. Að standa hérna á Geirólfsgnúpi minnir okkur hreinlega á hvers vegna Ferðafélag Íslands varð til. FÍ var alltaf ætlað að leiða okkur að mögnuðum stöðum eins og þessum og samtímis því að varða leiðina að okkur sjálfum.”

Ferðaáætlun Ferðafélags Íslands verður birt hér á heimasíðu félagsins föstudaginn 5. desember.

Á skrifstofu FÍ Mörkinni 6 má nú finna mikið úrval af bókapökkum sem er frábær jólagjöf ferðafélagans. T.d. má nefna bókapakka eins og Vestfirðingurinn, Flakkarinn Jarðfræðingurinn , Dalamaðurinn, Útilegumaðurinn og Hálendingurinn svo eitthvað sé nefnt. Einnig eru til fræðslurit, gönguleiðarit og kort. Um leið er hægt að kaupa gjafabréf FÍ sem gildir í ferðir eða fjallaverkefni og aðild að félaginu er frábær jólagjöf og er allt í senn gjöf sem stuðlar að bættri heilsu, góðum félagsskap, ævintýrum og upplifun.

Taktu gítarleikinn á næsta stig! Þetta 4 vikna framhaldsnámskeið er hannað fyrir þig sem hefur lokið grunnnámskeiði eða kannt helstu grunnhljómana.

Ferðafélag Íslands hefur gefið út nýja bók, þýðingu á hluta árbókar 2021 um Laugaveginn, yfir á ensku.

Fleiri og fleiri stunda nú fjallamennsku allt árið um kring. Í fjallamennsku er mikilvægt að huga vel að öryggismálum, búnaði og undirbúningi. Ferðafélag Íslands hefur tekið saman helstu atriði sem skipta máli þegar fólk stundar fjallamennsku og útivist.

Ferðafélag Íslands innleiddi Vakann, gæða- og umhverfisvottun Ferðamálastofu í sitt starf árið 2017. Síðan þá hefur félagið farið í reglubundna úttekt á starfinu hjá þriðja aðila og nýlega var lokið við eina slíka úttekt sem gekk mjög vel.

Fimmtudagskvöldið 13.nóvember kl. 20 verður haldið Hornbjargsvitakvöld í sal Ferðafélags Íslands, Mörkinni 6.

Ferðafélag Íslands býður upp á fjölmarga gönguhópa, haustið 2026, sem snúast um reglulegar fjallgöngur, heilsubót og góðan félagsskap. Meginmarkmið þessara hópa er útivera, náttúruupplifun, gleði og góður félagsskapur.

Skálaverðir Ferðafélags Íslands eru nú farnir úr Landmannalaugum og hefur skálanum verið lokað fyrir veturinn.   Að baki er gott ferðasumar, þar sem margir gestir lögðu leið sína í Landmannalaugar. Skálaverðir mæta aftur í lok janúar og eru sí...

Vegna ófærðar og mikillar snjókomu hefur verið ákveðið að aflýsa ferðinni Hrekkjavaka í skóginum með Ferðafélagi barnanna, sem átti að fara fram mánudaginn 28. október.

Hér er stutt ferðasaga frá Leifi Þorsteinssyni um ferð sem hann fór um Rótarsand á milli Högnhöfða og Rauðafells og austur að Úthlíð í Biskupstungum. Félagar eru hvattir til senda inn ferðasögu frá eftirminnilegum ferðum með góðum myndum og við vistum þær hér á heimasíðunni, öðrum félögum og ferðafólki til fróðleiks og ánægju.

Nú þegar haustið færist yfir er hafist handa við að loka skálum FÍ á Laugaveginum og öðrum skálasvæðum félagsins. Skálum FÍ í Hrafntinnuskeri, Álftavatni, Emstrum, Hvanngili og Baldvinsskála er lokað frá og með 17. september.

Vertu klár með gítarinn í næstu skálaferð eða útilegu! Námskeiðið verður haldið hjá Ferðafélagi Íslands, Mörkinni 6, 108 Reykjavík. 23. sept – 14. okt

Í dag eru erfiðar aðstæður á Laugaveginum vegna hvassviðris og mikilla rigninga.

Í haust býður Ferðafélag Íslands upp á fjölbreytt námskeið fyrir alla sem hafa áhuga á útivist. Þar gefst þátttakendum tækifæri til að tileinka sér nýja færni, efla kunnáttu sína og dýpka skilning á ferða og fjallamennsku.

Katrín Jakobsdóttir, íslenskufræðingur og fyrrum forsætisráðherra, leiðir göngu upp Esjuna að Steini og kynnir þátttakendur fyrir Kjalnesinga sögu sem má kalla heimasögu Reykvíkinga

Ferðafélag Íslands býður upp á fjölmarga gönguhópa, haustið 2025, sem snúast um reglulegar fjallgöngur, heilsubót og góðan félagsskap. Meginmarkmið þessara hópa er útivera, náttúruupplifun, gleði og góður félagsskapur. Eins og í öllum ferðum Ferðafélags Íslands er mikil áhersla lögð á fræðslu og öryggi á fjöllum. Fjölmargir FÍ gönguhópar eru í gangi yfir allt árið en aðrir eru í boði að vori og hausti. Nýir og fleiri gönguhópar fyrir haustið verða kynntir á næstunni.

Vefmiðillinn Guardian telur að Laugavegurinn sé einn af bestu áfangastöðum í Evrópu fyrir þá sem þrá æv­in­týri og upplifun í stórbrotinni náttúru landsins.  Í umfjöllun Guardian segir að; ,,Laugavegurinn er eins konar örmynd af landslagi þessa ótrúlega lands. Jarðhitalindir, snjóbreiður í mikilli hæð, marglit líparítfjöll, svartar sandeyðimerkur og framandi tunglsmyndir. Að lokum, töfrandi dalurinn Þórsmörk, Þórsdalur, umkringdur birkiskógi umkringdur þremur jöklum. Að gista í fjallaskálum þýðir að þú munt finna fyrir því að vera hluti af fjölmenningarlegu, alþjóðlegu samfélagi ferðalanga, með þeirri hlýju og félagsskap sem því fylgir, með sögum sem skipst er á og minningum sem skapast.“

Ferðafélag Íslands hefur á undanförnum árum unnið að því setja upp upplýsingaskilti og merkingar á vinsælum gönguleiðum. Fræðslu- og forvarnarstarf er mikillvægur hluti af starfi félagsins og eitt af kjörsviðum þess. Sett hafa verið upp skilti og merkingar á Laugaveginum, Fimmvörðuhálsi, Kjalvegi hinum forna og einnig við vinsæl fjöll, til að mynda Esjuna, Vífilsfell, Snæfellsjökul, Eyjafjallajökul og Fimmvörðuháls. Einnig hafa verið settir upp myndarlegir vegvísar / veprestar á Laugaveginum og Fimmvörðuhálsi og Kjalvegi hinum forna.

Við bendum ferðaþjónustuaðilum á að nú eru hættulegar aðstæður vegna loftmengunar við Fagradalsfjall og í nágrenni gosstöðvanna við Sundhnjúksgígaröðina.

Langar þig að læra að taka betri myndir á símann þinn eða myndavélina ? Lykillinn að betri myndum er oft ekki flóknara en það að fylgja nokkrum einföldum reglum, varðandi myndbyggingu, stillingar og fleira sem við förum yfir á þessu námskeiði. Við kennum þér undirstöðuatriðin og með því að tileinka þér þau munu myndirnar þínar klárlega verða betri!

Það er fátt betra en góð gönguferð um okkar fallega land og kynnast fjölbreytilegu landslagi, litríkum fjöllum, hraunum, sögu og þeirri ró sem aðeins fjallgöngur bjóða upp á. Góð leiðsögn og góður félagsskapur gera slíka ferð að ómetanlegri upplifun.

Blika, í samstarfi við Ferðafélag Íslands (FÍ), hefur sett í loftið veðurspár fyrir Laugaveginn sem sameinar háupplausnar veðurspár og hermigreind til að varpa ljósi á aðstæður á hverjum legg göngunnar. Markmiðið er að auka öryggi og bæta upplifun göngufólks sem gengur leiðina á milli Landmannalauga og Þórsmerkur.

Ferðafélag Íslands vígði nýtt endurgert sæluhús félagsins á Mosfellsheiði sunnudaginn 22 júní að viðstöddum fjölmörgum gestum. Ólöf Kristín Sívertsen, forseti FÍ bauð fólk velkomið og þakkaði sérstaklega öllum þeim sem hafa komið að endurbyggingu hússins. Þar hafa bræðurnir Örvar og Ævar Aðalsteinssynir annast byggingu hússins en auk þeirra var Unnsteini Elíassyni hleðslumeistara úr Borgarfirði, Bjarka Bjarnasyni sem leiddi undirbúning verkefnisins, leyfismál og fl., Bjarna Bjarnasyni frá Hraðastöðum og Jóni Sverri einnig þakkað fyrir þeirra framlag. Þá var Minjastofnun og Pétri Ármannssyni og Ugga Ævarssyni þakkað fyrir gott samstarf og stuðning sem og Erni Kærnested og fasteignafélaginu Bakka.

Vegurinn í Landmannalaugar er nú opinn og skálaverðir og landverðir mættir á svæðið. Jafnframt eru skálaverðir FÍ komnir til starfa í Emstrum og Álftavatni á Laugaveginum, auk þess sem þeir eru mættir í Skagfjörðsskála, þar sem þeir hófu störf í byrjun maí. Snjólétt hefur verið á sunnanverðu hálendinu í vetur og lítill snjór á Laugaveginum nú í upphafi tímabils. Skálaverðir mæta í Hvanngil og Hrafntinnusker í lok vikunnar. Rétt er að hafa í huga að vegurinn inn í Laugar er ekki góður og alls ekki fólksbílafær. Fólksbílar eiga ekki erindi yfir Námskvísl eða Laugalækinn.

Viltu skoða pöddur í algjöru návígi? Ef svo er þá skaltu endilega grípa tækifærið með Háskóla Íslands og Ferðafélagi Íslands í árvissum viðburði í Elliðaárdal á morgun, miðvikudaginn 11. júní. Gangan hefst kl. 18. Viðburðurinn er í verðlaunaröð sem kallast Með fróðleik í fararnesti og er samstarfsverkefni FÍ og HÍ sem hófst á aldarafmæli skólans.

Mánudaginn 26. maí kl 18 verður fræðsluganga um Heiðmörk. Gengið verður frá Elliðavatnsbænum og tekur gangan um tvo klukkutíma. Að viðburðnum standa Skógræktarfélags Reykjavíkur, Landvernd og Ferðafélag Íslands. Gott aðgengi almennings að grænum svæðum hefur ómetanlegt gildi fyrir lýðheilsu og samfélag. Almannarétturinn tryggir fólki náttúruupplifun, en þekking á náttúrunni styður jafnframt við náttúruvernd. Heiðmörk er stærsta og fjölsóttasta útivistarsvæði höfuðborgarsvæðisins. Þar gefst gestum tækifæri til að kynnast fjölbreyttri náttúru – plöntum, dýralífi, vötnum og jarðmyndunum – í skjólgóðu og aðgengilegu umhverfi rétt við borgarmörkin. Áform eru uppi um að takmarka aðgengi að svæðinu, enda þar vatnsból borgarinnar. Samtökin sem standa að göngunni treysta því að unnt verði að samræma nauðsynlega vernd vatnsbóla og almannarétt um frjálsa för um Heiðmörk – í anda sjálfbærni og lýðræðis. Slíkt hefur tekist annars staðar og getur líka tekist hér.

Það fer vel á því að í ljósi þess að árbók félagsins okkar er helguð fuglum og fuglastöðum að næsti laugardagsmorgunn er helgaður fuglaskoðun í Grafarvogi á vegum FÍ og HÍ. Núna þegar sumarið er svo sannarlega hafið eru flestir farfuglarnir komnir hingað heim. Margir þeirra hafa þegar hreiðrað um sig í varplandinu en enn eru þó nokkrir sem hafast við í fjörunum og eru á leið á varpstöðvarnar.

Útgáfufagnaður Ferðafélags Íslands var haldinn í gær.  Fjölmargir gestir voru komnir til að fagna útgáfu bókarinnar, sérstaklega þau sem hafa komið að vinnu við bókina með einum eða öðrum hætti.  Ólöf Krístín Sívertsen forseti FÍ  bauð alla velkomna og færði gestum stuttar fréttir af starfi félagsins nú þegar háannatími er handan við hornið.  Þá sagði Gísli Már Gíslason formaður ritnefndar frá árbókinni og tilurð hennar og eins frá næstu árbókum en gerðir hafa verið ritsamningar við höfunda til 2030.   Daníel Bergmann höfundur bókarinnar sagði frá degi í náttúrunni þegar hann er við fuglaljósmyndun og gaf gestum innsýn á þá miklu þolinmæðisvinnu. 

„Það er einhver friður yfir Hornströndum sem gefur þeim einstakan sjarma. Maður fær góðan tíma til að hugsa og kjarna sig, maður fær frið frá áreiti daglegs amsturs og hvílist svo vel í þessu hreina lofti.“